Bagaj tashuvlari bo‘yicha chеklovlar

Qo‘shimcha litiy batareyalari, shu jumladan litiy metall yoki ion-litiy elementlari yoki boshqa qurilmalarni elektr energiyasi bilan ta’minlash uchun mo‘ljallangan batareyalar, quyidagi shartlarga rioya qilgan holda, parvoz vaqtida oldinda turgan yo‘lovchi o‘rindig‘i ostiga joylashtiriladigan yo‘lovchining shaxsiy bagajida (Hand baggage) tashish uchun ruxsat etiladi:

a) 2 tadan ko‘p bo‘lmagan litiy-ion batareyalari, shu jumladan solishtirma quvvati 100 Vt/soatdan ortiq, ammo 160 Vt/soatdan oshmaydigan tashqi akkumulyatorlar yoki tarkibida 2 grammdan ortiq, ammo 8 grammdan ko‘p bo‘lmagan litiy-metall batareyalar, avtomatik tashqi defibrillyatorlar (automated external defibrillators - AED), portativ kislorod konsentratorlari (portable oxygen concentrator - POC) va doimiy musbat bosimli o‘pkaning sun’iy ventilyatsiyasi apparatlari (CPAP - continuous positive airway pressure) kabi portativ tibbiy qurilmalar (portable medical electronic devices - PMED) bilan foydalanishga ruxsat etiladi;

b) har bir zapas batareya, shu jumladan tashqi akkumulyatorlar, qisqa tutashuvdan himoyalangan bo‘lishi kerak (asl zavod qadog‘idan foydalanish yoki klemm izolyatsiyalash usuli, ya’ni kontaktlarni izolyatsiya lentasi bilan blokirovka qilish yoki har bir batareyani alohida plastik paket yoki himoya sumkasiga joylashtirish orqali);

c) batareyalarni, shu jumladan tashqi akkumulyatorlarni (power bank) ro‘yxatdan o‘tkazilgan bagajda tashish taqiqlanadi.

Yo‘lovchi havo kemasi bortida bo‘lgan davrda batareyalar, shu jumladan tashqi akkumulyatorlar (power bank) bo‘yicha quyidagi talablar belgilanadi:

parvozning barcha bosqichlarida havo kemasi bortidagi quvvat manbalari yoki o‘rindiqlarga o‘rnatilgan zaryadlash qurilmalari orqali zaryadlanishi taqiqlanadi;

boshqa elektron qurilmalarni zaryadlash yoki elektr ta’minoti manbai sifatida foydalanilishiga yo‘l qo‘yilmaydi;

salonning yuk javonlariga joylashtiriladigan qo‘l yukida (cabin baggage) tashilishi taqiqlanadi;

sumka yoki boshqa bagaj idishida saqlangan holda, yo‘lovchining oldidagi o‘rindiq ostiga joylashtirilishi kerak.

Har bir yo‘lovchiga havo kemasi bortida tashish uchun ruxsat etilgan sig‘im me’yoridan oshmaydigan ko‘pi bilan 2 (ikki) dona portativ zaryadlash qurilmasini olib o‘tishga ruxsat etiladi.

Quyidagi jadvalda portativ zaryadlash qurilmalari (power bank) va boshqa zaxira batareyalarning beshta kombinatsiyasi keltirilgan bo‘lib, ularni havo kemasi bortiga umumiy soni 2 (ikki) donadan oshmagan miqdorda olib chiqishga ruxsat etiladi.

Tashish uchun ruxsat etilgan zaryadlash qurilmalari kombinatsiyalariga misollar	Sig‘imi 100Wh dan kam yoki teng bo‘lgan Power bank	Sig‘imi 100Wh dan katta va 160Wh dan kichik yoki teng bo‘lgan Power bank	Sig‘imi 100 Wh dan katta va 160 Wh dan kichik yoki unga teng bo‘lgan Power bankdan boshqa zaxira batareyalar
	2	0	0
	2	0	2
	0	2	0
	0	1	1
	1	1	1

YO‘LOVCHILAR VA EKIPAJ A’ZOLARI TOMONIDAN XAVFLI YUKLARNI TASHISH BO‘YICHA UMUMIY QOIDALAR

Xavfli yuklarni yo‘lovchilar va ekipaj a’zolari tomonidan ro‘yxatga olingan bagaj yoki qo‘l yuki sifatida tashishga yo‘l qo‘yilmaydi, quyida nazarda tutilgan holatlar bundan mustasno. Qo‘l yukida tashishga ruxsat etilgan xavfli yuklarni, agar boshqacha qoida belgilanmagan bo‘lsa, yo‘lovchi “o‘zi bilan” olib ketishiga ruxsat etiladi.

Havo kemasi komandiri ularning joylashtirilgan joyi haqida xabardor qilinishi kerak
		Qo‘l yukida ruxsat berilgan
				Ro‘yxatdan o‘tgan bagajda ruxsat etiladi
						Tashuvchi (lar) ruxsati talab qilinadi
TAQIQLANADI							O‘rnatilgan litiy batareyalari bo‘lgan bagaj, tarkibida litiy metali miqdori 0,3 grammdan ortiq yoki energiya sig‘imi 2,7 Vt/soatdan ortiq bo‘lgan yechib olinmaydigan batareyalar.
YO‘Q		HA		HA		YO‘Q	O‘rnatilgan litiy batareyali bagaj: yechib olinmaydigan batareyalar: Batareyalar tarkibidagi metall litiy miqdori 0,3 grammdan oshmasligi yoki ion-litiy batareyasining energiya sig‘imi 2,7 Vt/soatdan ortiq bo‘lmasligi kerak; yechib olinadigan batareyalar: bagaj ro‘yxatdan o‘tkaziladigan bagaj sifatida tashilayotgan bo‘lsa, batareyalar chiqarib olinishi shart. Yechib olingan batareyalar havo kemasi salonida tashilishi kerak.
		ААА
YO‘Q		HA		HA		YO‘Q	Sun’iy qo‘l-oyoqlarni harakatga keltirish uchun mo‘ljallangan yonmaydigan va zaharli bo‘lmagan gazli ballonlar. Shuningdek, butun safar davomida foydalanish uchun zarur bo‘lgan miqdorda shunga o‘xshash o‘lchamdagi zaxira ballonlar.
HA		HA		HA		HA	Tibbiy maqsadlarda foydalanish uchun zarur bo‘lgan gazsimon kislorod yoki havo ballonlar. Bunda har bir ballonning brutto massasi 5 kg dan oshmasligi kerak. Eslatma: tarkibida suyuq kislorod bo‘lgan qurilmalarni tashish taqiqlanadi.
YO‘Q		HA		YO‘Q		YO‘Q	Zaxira batareyalar, shu jumladan litiy batareyalar, oqmaydigan batareyalar, nikel-metallgidrid batareyalar va faqat qo‘l yukida tashishga ruxsat etilgan portativ elektron qurilmalar uchun quruq batareyalar. Tashqi akkumulyatorlar zaxira batareyalar sifatida tasniflanadi. Bunday batareyalar qisqa tutashuvning oldini oladigan tarzda alohida himoyalangan holda tashilishi kerak. Litiy-metall batareyalarda litiy metalining miqdori 2 g dan oshmasligi, litiy-ion batareyalarining energiya sig‘imi esa 100 Vt/soatdan ortiq bo‘lmasligi kerak. Bir yo‘lovchi tomonidan tashiladigan zaxira batareyalar soni 15 donadan oshmasligi kerak. *Tashuvchi 15 tadan ortiq batareyani tashishga ruxsat berishi mumkin. Oqmaydigan batareyalarning kuchlanishi 12 voltdan, sig‘imi esa 100 Vt/soatdan oshmasligi kerak. Har bir yo‘lovchiga ko‘pi bilan ikki dona zaxira batareya tashishga ruxsat etiladi.
YO‘Q		HA		YO‘Q		HA	Portativ elektron qurilmalar va portativ tibbiy elektron qurilmalar uchun (PMED) solishtirma quvvati vatt-soatda 100 Vt-soatdan oshadigan, ammo 160 Vt-soatdan oshmaydigan yoki tarkibida 2 g dan ortiq, ammo PMED uchun 8 g dan ko‘p bo‘lmagan litiy metalli bo‘lgan zaxira litiy batareyalar. Ko‘pi bilan 2 ta zaxira batareyani faqat qo‘l yukida tashishga ruxsat etiladi. Bunday batareyalar qisqa tutashuvning oldini olish maqsadida alohida himoyalangan bo‘lishi kerak.
YO‘Q		HA		HA		YO‘Q	Litiy batareyalari: Tarkibida litiy-metall yoki litiy-ion elementlari mavjud bo‘lgan portativ elektron qurilmalar yoki batareyalar, shu jumladan portativ kislorod konsentratorlari (portable oxygen concentrators – POC) kabi tibbiy qurilmalar va shaxsiy foydalanish uchun yo‘lovchilar yoki ekipaj tomonidan tashiladigan kameralar, uyali telefonlar, noutbuklar va planshetlar kabi maishiy elektron texnika. Litiy-metall batareyalarda litiy metali miqdori 2 g dan, litiy-ion batareyalarining energiya sig‘imi esa 100 Vt/soatdan oshmasligi kerak. Ro‘yxatdan o‘tkazilgan bagajda tashiladigan qurilmalar to‘liq o‘chirilgan va shikastlanishdan himoyalangan holatda bo‘lishi shart. Bir yo‘lovchiga ko‘pi bilan 15 ta portativ elektron qurilma tashishga ruxsat etiladi. Tabletka turidagi litiy elementlardan farqli ravishda, litiy batareyasi bilan jihozlangan bagajning batareyasi yechib olinadigan bo‘lishi shart. Bunday bagaj ro‘yxatdan o‘tkazilganda, batareya chiqarib olinishi va havo kemasi salonida tashilishi kerak. *Tashuvchi 15 tadan ortiq portativ elektron qurilmalarni tashishga ruxsat berishi mumkin.
YO‘Q		HA		HA		HA	Zaxira litiy batareyalar, shu jumladan tashqi akkumulyatorlar, “Zaxira batareyalar”da ko‘rsatilgan. Litiy batareyalari: Litiy batareyalarini o‘z ichiga olgan xavfsizlikni ta’minlash uskunasi (6.3.1.5-bandda ko‘rsatilgan).
YO‘Q		YO‘Q		HA		HA	O‘q-dorilar (1.4S kichik sinfiga tegishli, faqat UN 0012 yoki UN 0014), shaxsiy maqsadlar uchun har bir yo‘lovchiga brutto massasi 5 kg dan oshmaydigan miqdorda, ishonchli tarzda qadoqlangan holda tashishga ruxsat etiladi. Bir nechta yo‘lovchilarga tegishli yuk me’yorlarini birlashtirib bitta yoki bir nechta yuk joyiga jamlash taqiqlanadi.
YO‘Q		YO‘Q		HA		YO‘Q	Ichki yonuv dvigatellari yoki yonilg‘i elementli dvigatellar faqat ro‘yxatdan o‘tkazilgan bagajda, alohida yoki mashina yoki boshqa apparaturaning tarkibiy qismi sifatida tashilishi kerak.
YO‘Q		HA		HA		YO‘Q	Tarkibida uglevodorod gazi bo‘lgan soch turmaklash asboblari, agar isitish elementi ishonchli himoya qalpog‘i bilan jihozlangan bo‘lsa, har bir yo‘lovchi yoki ekipaj a’zosiga bitta (1) dona miqdorida tashishga ruxsat etiladi. Ushbu qisqichlar havo kemasi bortida qo‘llanilmasligi kerak. Bunday qisqichlar uchun gaz to‘ldirish elementlarini ro‘yxatdan o‘tkazilgan bagajda ham, qo‘l yukida ham tashishga ruxsat etilmaydi.
YO‘Q		HA		HA		HA	Alanga olmaydigan gazli kartridjlar (ballonchalar), tarkibida uglerod ikki oksidi yoki 2.2-kichik sinfga mansub boshqa shunga o‘xshash gazlar bo‘lgan, lekin har bir kishiga ikkitadan ko‘p bo‘lmagan kichik kartridjlar va qutqaruv nimchasi kabi o‘z-o‘zidan shishadigan qutqaruv qurilmalariga o‘rnatilgan ikkitadan ko‘p bo‘lmagan zaxira kartridjlar. Har bir yo‘lovchiga ko‘pi bilan ikkita (2) qurilma va har bir kishiga ko‘pi bilan ikkita (2) zaxira kartrijlar. Boshqa qurilmalar uchun esa hajmi 50 ml gacha bo‘lgan, ko‘pi bilan to‘rtta (4) kartrij tashishga ruxsat etiladi.
HA		YO‘Q		HA		HA	To‘kilmaydigan suyuqlik batareyalari, nikel-metallgidrid batareyalari yoki quruq batareyalar bilan harakatga keltiriladigan kreslo-aravachalar/boshqa harakatlanuvchi vositalar (6.3.1.2-bandda ko‘rsatilgan).
HA		YO‘Q		HA		HA	To‘kiluvchi turdagi batareyalar bilan harakatga keltiriladigan kreslo-aravachalar yoki boshqa harakatlanuvchi vositalar (6.3.1.3-bandda ko‘rsatilgan)
HA		HA		YO‘Q		HA	Konstruksiyasi batareya (lar) ning ishonchli himoyasini ta’minlamaydigan, litiy-ion batareyalari bilan harakatga keltiriladigan kreslo-aravachalar va boshqa shunga o‘xshash vositalar
YO‘Q		HA		HA		YO‘Q	Soch uchun spreylar, atirlar, odekolonlar va tarkibida spirt bo‘lgan dorilar kabi radioaktiv bo‘lmagan dorilar yoki pardoz ashyolari (shu jumladan aerozollar) va sport yoki maishiy maqsadlarda foydalanish uchun qo‘shimcha xavf tug‘dirmaydigan 2.2-kichik sinfga kiruvchi alangalanmaydigan, zaharli bo‘lmagan aerozollar. Radioaktiv bo‘lmagan dorilar yoki pardoz buyumlari va alangalanmaydigan, zaharli bo‘lmagan (2.2-kichik sinf) aerozollarning umumiy netto miqdori 2 kg yoki 2 litrdan, har bir alohida buyumning umumiy netto miqdori esa 0,5 kg yoki 0,5 litrdan oshmasligi kerak. Aerozol ballonchalarning chiqaruvchi klapanlari ichidagining o‘z-o‘zidan chiqib ketishini oldini olish maqsadida qalpoqcha yoki boshqa tegishli vosita bilan himoyalangan bo‘lishi kerak.
YO‘Q		HA		HA		YO‘Q	Tarkibida hajmi bo‘yicha 24% dan ortiq, lekin 70% dan ko‘p bo‘lmagan spirt saqlovchi, sig‘imi 5 litrdan oshmaydigan, chakana savdo uchun mo‘ljallangan idishlardagi spirtli ichimliklar. Bunda bir yo‘lovchiga to‘g‘ri keladigan umumiy miqdor 5 litrdan oshmasligi kerak. Eslatma: tarkibida hajmi bo‘yicha 24% va undan kam spirt bo‘lgan spirtli ichimliklar uchun cheklovlar qo‘llanilmaydi.
YO‘Q		HA		HA		YO‘Q	A180 maxsus qoidasi mezonlariga javob beradigan kam miqdordagi tez alangalanuvchi suyuqlikka qadoqlangan, infeksiyalanmagan namunalar. (6.3.4.12- bandda ko‘rsatilgan)
YO‘Q		YO‘Q		HA		YO‘Q	Havo sifatini nazorat qilish asboblarini kalibrlash uchun ishlatiladigan permeametrlar A41 maxsus qoidasiga muvofiq bo‘lishi kerak (6.3.4.13-band).
YO‘Q		HA		HA		YO‘Q	To‘kilmaydigan batareyalarni o‘z ichiga olgan portativ elektron qurilmalar, batareyalar A67 maxsus qoida talablariga javob berishi va har bir batareyaning kuchlanish darajasi 12 voltdan, solishtirma quvvati esa vatt-soatlarda 100 vatt/soatdan oshmasligi kerak. Ko‘pi bilan ikkita joylashmaydigan zaxira batareya tashilishi mumkin (6.3.4.11-band).
YO‘Q		HA		HA		HA	Kimyoviy qurollarni taqiqlash tashkiloti (KQTT) xodimlari rasmiy safarlar davomida zaharlovchi moddalarni nazorat qilish uchun mo‘ljallangan asboblarni tashish (6.3.3.4-band)
YO‘Q		HA		HA		HA	Qutqaruv anjomlari solingan ryukzak - har bir kishiga bitta (1) ryukzak, tarkibida 2.2 kichik sinfga mansub siqilgan gaz ballonlari bo‘lgan, 1.4S kichik sinfga mansub 200 mg dan ortiq bo‘lmagan portlovchi moddani o‘z ichiga oluvchi pirotexnik ishga tushirish mexanizmi bilan jihozlanishi mumkin. Ryukzak shunday tarzda qadoqlangan bo‘lishi kerakki, ishga tushirish mexanizmining tasodifan ishga tushib ketishi istisno etilsin. Ryukzak ichidagi havo qopchalari bosimni tushirish klapanlari bilan jihozlangan bo‘lishi kerak.
YO‘Q		HA		YO‘Q		YO‘Q	Ko‘chma elektron qurilmalarni (masalan, fotokameralar, uyali telefonlar, noutbuklar) ta’minlash uchun ishlatiladigan, tarkibida yoqilg‘i bo‘lgan yoqilg‘i elementlari tizimlari, (batafsil ma’lumot 6.3.4.9- bandda ko‘rsatilgan).
YO‘Q		HA		HA		YO‘Q	Ko‘chma elektron qurilmalarni ta’minlash uchun ishlatiladigan zaxira yonilg‘i elementlari kassetalari (batafsil ma’lumot 6.3.4.9- bandda ko‘rsatilgan).
YO‘Q		O‘ZI BILAN				YO‘Q	Xavfsiz gugurtlar (bitta kichik qadoq) yoki tarkibida absorbsiyalanmagan suyuq yoqilg‘i bo‘lmagan, suyultirilgan gazdan tashqari, shaxsiy foydalanish uchun mo‘ljallangan va alohida shaxs tomonidan o‘zi bilan olib yuriladigan sigaretalar uchun kichik zajigalka. Yondirgichlar va yonilg‘i quyish elementlari uchun yoqilg‘ini yo‘lovchiga o‘zi bilan, ro‘yxatdan o‘tkazilgan bagaj yoki qo‘l yukida tashishga ruxsat berilmaydi. ESLATMA: Himoya qopqoqlari yoki tasodifiy ishga tushishning oldini oluvchi vositalar bilan jihozlanmagan “termospichkalar”, “ko‘k alangali” yoki “sigara” uchun zajigalkalar, shuningdek, litiy batareyalarda ishlaydigan zajigalkalarni yo‘lovchi o‘zi bilan, ro‘yxatdan o‘tkazilgan bagajda yoki qo‘l yukida tashishi taqiqlanadi.
YO‘Q		O‘ZI BILAN				YO‘Q	Yurak mushaklari stimulyatorlari (kardiostimulyatorlar) yoki radioaktiv izotoplar asosidagi boshqa qurilmalar, shu jumladan inson tanasiga implantatsiya qilingan yoki tananing tashqi tomoniga o‘rnatilgan litiy batareyalari bilan ishlaydigan qurilmalar.
TAQIQLANADI							O‘zini himoya qilish vositalari, jumladan gaz ballonchalari, qalampir spreylari va boshqa tirnash xususiyati beruvchi yoki vaqtincha ish qobiliyatini yo‘qotuvchi moddalarni o‘z ichiga olgan vositalar, yo‘lovchi tomonidan o‘zi bilan olib yurilishi, ro‘yxatdan o‘tkazilgan bagajda hamda qo‘l yukida tashilishi taqiqlanadi.
TAQIQLANADI							Portlovchi moddalar, siqilgan gazlar, litiy batareyalari kabi xavfli yuklarni o‘z ichiga olgan elektroshok vositalarini (masalan, elektroshokerlar, elektroshok kartrijlari) yo‘lovchi o‘zi bilan, qo‘l yukida hamda ro‘yxatdan o‘tkazilgan bagajda tashishi taqiqlanadi.
YO‘Q	YO‘Q		HA		YO‘Q		Simob saqlovchi tibbiy yoki klinik termometr, har bir shaxs uchun bitta (1) dona miqdorda, faqat shaxsiy foydalanish uchun, agar u himoya g‘ilofida joylashtirilgan bo‘lsa.
HA	HA		YO‘Q		HA		Hukumat ob-havo byurosi yoki shunga o‘xshash rasmiy organ vakili tomonidan tashiladigan simobli termometr yoki barometr (batafsil ma’lumot 6.3.2.1-bandda ko‘rsatilgan).
YO‘Q	YO‘Q		HA		HA		Tez alangalanuvchi suyuq yoqilg‘ini o‘z ichiga olgan turistik plitkalar va turistik plitkalar uchun yoqilg‘i kanistrlari, agar turistik plitkalarning yoqilg‘i rezervuarlari va/yoki yoqilg‘i kanistrlari to‘liq quritilgan bo‘lsa (batafsil ma’lumot 6.3.1.6-bandda ko‘rsatilgan).
YO‘Q	HA		HA		HA		Qattiq uglerod dioksidi (quruq muz), ushbu Qoidalar tatbiq etilmaydigan tez buziladigan mahsulotlarni sovutish maqsadida ro‘yxatdan o‘tkaziladigan bagajda yoki qo‘l yukida tashilganda, agar bagaj (yuk) joyi gazsimon uglerod dioksidining chiqib ketishiga imkon bersa, har bir shaxs uchun 2,5 kg dan oshmagan miqdorda. Bagaj joyiga “quruq muz” (dry ice) yoki “uglerod dioksid qattiq holatda” (carbon dioxide, solid) yorlig‘i, shuningdek, quruq muzning netto massasi ko‘rsatilgan bo‘lishi yoki uning netto massasi 2,5 kg yoki undan kam ekanligi to‘g‘risida belgi qo‘yilishi kerak.
YO‘Q	HA		HA		YO‘Q		Faqat xavfsiz yuklardan iborat, g‘ovak material bilan to‘liq absorbsiyalangan, sovutilgan suyuq azotni (dry shipper) o‘z ichiga olgan izolyatsiyalangan qadoqlar.
TAQIQLANADI							Xavfsizlikni ta’minlash qurilmalari, jumladan attashe-keyslar, seyflar (qutilar) va naqd pulni saqlash uchun mo‘ljallangan sumkalar va boshqalar, tarkibida litiy batareyalar va/yoki pirotexnik moddalar kabi xavfli yuklar bo‘lgan hollarda, 6.3.1.5 va 6.2.1-bandlarga muvofiq ruxsat etilgan mahsulotlar bundan mustasno, mutlaqo taqiqlanadi.
YO‘Q	HA		HA		HA		Litiy batareyalaridan ishlaydigan elektron qurilmalar. Portativ (shu jumladan tibbiy) elektron qurilmalar uchun litiy-ionli batareyalar, solishtirma quvvati 100 vatt/soatdan ortiq, lekin 160 vatt/soatdan ko‘p bo‘lmagan holda. Faqat portativ tibbiy elektron qurilmalar uchun, tarkibida 2 grammdan ortiq, ammo 8 grammdan ko‘p bo‘lmagan litiy-metall batareyalar. Ro‘yxatdan o‘tkazilgan bagajda tashiladigan qurilmalar to‘liq o‘chirilgan va shikastlanishdan himoyalangan bo‘lishi kerak.
YO‘Q	HA		YO‘Q		YO‘Q		Tasodifiy faollashuvning oldini olish uchun himoyalanishi kerak bo‘lgan batareyalarni o‘z ichiga olgan elektron sigaretalar (shu jumladan elektron sigaralar, trubkalar, shaxsiy foydalanish uchun boshqa shunga o‘xshash vositalar).

Ro‘yxatdan o‘tgan hamda ro‘yxatdan o‘tmagan bagaj sifatida tashuvga quyidagilar qabul qilinmaydi:

aviakompaniya hamda yo‘lovchilar mulkiga, sahndagi yo‘lovchilarga, samolyot va havo kеmasi bortiga xavf yеtkazishi mumkin bo‘lgan buyum va moddalar;
aviakompaniya qoidalari bilan bagaj uchun o‘rnatilgan o‘lcham mе’yorlaridan og‘irligi va o‘lchami jiddiy tarzda oshuvchi buyumlar;
biror- bir davlat hudididan, hududiga yoki hududi orqali ushbu davlat qonun va qoidalari bilan tashuvi amalga oshirilishi ta’qiqlangan buyumlar;

asds

Tashuv hujjatlari, tibbiy guvohnomalar, rеntgеn suratlari, nеgativlar, o‘ta qimmat va nozik hamda mo‘rt buyumlar shuningdеk, pul, krеdit kartalari, qimmatli qog‘oz va hujjatlar, qimmatbaho mеtallar, toshlar, dur va ulardan tayyorlangan mahsulotlarni yo‘lovchi bagajga topshirmasdan, o‘zi bilan olib ketishi shart.

Mazkur buyumlar ro‘yxatdan o‘tgan bagajda qimmatliligi ko‘rsatilishi yoki ko‘rsatilmasligidan qat’iy nazar, tashilsa, aviatashuvchi ushbu buyumlarning butligi uchun javobgar emas.

Qo‘l yukining maksimal gabarit o‘lchamlari 56 Х 45 Х 25 sm dan oshmasligi kerak. Har bir qo‘l yukining uch o‘lcham summasi bo‘yicha maksimal kattaligi 115 sm dan oshmasligi kerak Bu o‘lchovlarda qo‘l yuki sifatida olib ketilayotgan bagajning g‘ildiraklari, dasta va yon cho‘ntaklari hisobga olingan.

Agar qo‘l yuki 1 tadan ortiq sumkadan (joydan) iborat bo‘lsa, bunday qo‘l yuki tashuvga bitta umumiy joy sifatida qabul qilinishi kerak va bunday joylarning umumiy gabaritlari yig‘indisi uch o‘lcham summasi bo‘yicha 115 sm dan oshmasligi kerak.

ass

HURMATLI YO‘LOVCHILAR!

Aviakompaniyamiz qatnovlarida, shuningdek boshqa aviakompaniyalar qatnovlarida parvozlar xavfsizligini ta’minlash maqsadida litiy batareyalari orqali harakatga keltiriladigan KICHIK SHAXSIY TRANSPORT VOSITALARINI (MONOKOLYOS, SEGVEY, GIROSKUTER, ELEKTROSAMOKAT VA SHUNGA O‘XSHASH BOSHQA TRANSPORT VOSITALARINI) RO‘YXATDAN O‘TKAZILADIGAN BAGAJ VA QO‘L YUKI TARKIBIDA OLIB KETISH TAQIQLANDI.

Bunday cheklovlar Xalqaro havo transporti assotsiatsiyasi xavfsizlik standartlari tomonidan 2015-yilning 16-dekabridan kiritildi, chunki litiyli batareyalarning o‘z-o‘zidan yonib ketishi holatlari qayd etilganligi tufayli ular “Xavfli buyumlar” toifasiga kiritilgan.

Bizning qatnovlarimiz orqali yuqorida ko‘rsatilgan transport vositalarini olib ketmasligingizni so‘raymiz. Bunday vositalar tashuvga qabul qilinmaydi va xavfsizlik xizmatlari tomonidan olib qo‘yiladi.

AGAR AVIATSIYA XAVFSIZLIGI TALABLARINI BAJARISH MAQSADIDA SIZNING BAGAJINGIZ OLIB QO‘YILGAN BO‘LSA, BUNDAY BAGAJNING YO‘QOLGANLIGI UCHUN AVIAKOMPANIYA JAVOBGARLIKKA EGA BO‘LMAYDI

O‘zbekiston Respublikasi havo bo‘shlig‘ida uchuvchisiz uchish apparatlaridan (UUA) foydalanish va ularni O‘zbekiston Respublikasining hududiga olib kirish faqat O‘zbekiston Respublikasi Vazirlar Mahkamasining 2014-yil 26-noyabrdagi 322-sonli qaroriga asosan O‘zbekiston Respublikasi Vazirlar Mahkamasining alohida qarori bilan ruxsat beriladi.

Batafsil: https://www.uzcaa.uz/uz/drones

Xavfsizlikni ta’minlash maqsadida quyidagi xavfli buyum va moddalar ro‘yxatdan o‘tkazilgan bagaj sifatida tashuvga qabul qilinmaydi:

o‘q-otar qurol, to‘pponcha va jangovor vositalar – tan jarohati yetkazuvchi yoki o‘q otishga mo‘ljallangan har qanday buyum;
sanchiladigan/keskir qurol va uchi o‘tkir buyumlar – tan jarohati yetkazuvchi har qanday sanchiladigan va keskir buyum;
uchi o‘tmas buyumlar – tan jarohati yetkazuvchi har qanday o‘tmas buyum;
tez yonuvchi va portlovchi moddalar – aviakompaniya mulki, aviatsiya va parvozlar xavfsizligi, yo‘lovchi va ekipaj a’zolari salomatligiga xavf tug‘diruvchi har qanday tez yonuvchi va portlovchi moddalar;
kimyoviy va zaharli moddalar – aviakompaniya mulki, aviatsiya va parvozlar xavfsizligi, yo‘lovchi va ekipaj a’zolari salomatligiga xavf tug‘diruvchi har qanday kimyoviy va zaharli moddalar;

Suyuqlik va boshqa buyumlarni qo‘l yukida tashish qoidalari

Quyida keltirilgan buyumlar ro‘yxati to‘liq bayon etilmagan va xavfsizlik qoidalariga amal qilish maqsadida yo‘lovchilar, ularning qo‘l yuklari va ro‘yxatdan o‘tgan bagajlarni tekshiruvchi va nazoratdan o‘tkazuvchi xodimlar tomonidan ko‘rsatma sifatida foydalanish uchun mo‘ljallangan.

Politsiya tayoqlarining har xil turlari (qattiq va egiluvchan), shu jumladan, qisqa va tungi (yoritgichli) hamda bagaj va qo‘l yuki sifatida cheklangan holatda tashish uchun qabul qilinadigan buyumlar.

O‘zbekiston Respublikasi aeroportlaridan reyslarni amalga oshirishda qo‘l yukida tashiladigan suyuqliklar 100 ml hajmdan oshmasligi kerak. 100 ml dan ortiq konteynerlardagi suyuqliklar, hatto idish qisman to‘ldirilgan holatda bo‘lsa ham, tashish uchun qabul qilinmaydi. Idishni aeroportda taqdim etiladigan hajmi 1 litrdan oshmaydigan shaffof, yopiladigan plastik xaltacha ichiga joylashtirish kerak. Har bir yo‘lovchida faqat 1(bir) dona shaffof 1 litr hajmli plastik xaltacha bo‘lishi mumkin. Istisno tariqasida, aeroportdagi boj olinmaydigan do‘konlarda yoki havo kemasi sahnida xarid qilingan suyuqliklar uchun ruxsat beriladi, binobarin, bunday suyuqlik ishonchli muhrlangan plastik xaltachaga joylashtirilgan va ushbu qadoqlangan idishda parvoz kuni (kunlari) yo‘lovchilar va transfer yo‘lovchilar tomonidan aeroportdagi boj olinmaydigan do‘konlarda yoki havo kemasi bortida ishlab chiqarilganligi to‘g‘risida ishonchli tasdiq mavjud bo‘lishi kerak.

Parvoz vaqtida yo‘lovchilar uchun zarur bo‘lgan dori-darmonlar, bolalar sutlari/ozuqalari hamda parhez yoki tibbiy mahsulotlar bundan mustasno. Aviatsiya xavfsizligi xizmati talabiga muvofiq, bunday buyumlarni tashish uchun yo‘lovchi ularning sog‘lig‘i uchun hayotiy zarurligini tasdiqlovchi dalillarni taqdim etishi shart. Belgilangan dori qog‘ozida/retseptida yo‘lovchining familiyasi ko‘rsatilishi va u uning bortga chiqish talonidagi familiyasiga mos kelishi kerak. Agar dori retsept bo‘yicha sotib olingan dori-darmonlardan bo‘lmasa, u holda parvoz vaqtida foydalanish uchun zarur bo‘lgan miqdorini aniqlash talab etiladi va shu miqdorini tashish uchun ruxsat beriladi.

Izoh:

Quyida keltirilgan buyumlar ro‘yxati to‘liq emas hamda xavfsizlik qoidalariga amal qilish maqsadida yo‘lovchilar, ularning qo‘l yuki va ro‘yxatdan o‘tgan bagajini tekshiruvchi va nazoratdan o‘tkazuvchi xodimlar tomonidan yo‘llanma sifatida qo‘llanish uchun mo‘ljallangan.

Bagaj tashuvlari bo‘yicha chеklovlar

Muhim ma'lumot