O‘zbekiston Respublikasi fuqarolarining ayrim davlatlarga kirishlari uchun qo‘yiladigan maxsus talablar

Tailandga parvoz qilishni rejalashtirayotgan yo‘lovchilar uchun ma’lumotlar.

Tailand Qirolligi hukumati xorijiy fuqarolarning mamlakatga kirish tartibiga o‘zgartirishlar kiritdi.

2026-yil 15-sentyabrdan boshlab O‘zbekiston Respublikasi fuqarolariga Tailandga kirish uchun elektron viza (e-Visa) talab etiladi.

Elektron vizani rasmiylashtirish uchun Tailand elektron viza tizimining rasmiy portalida onlayn-arizani oldindan to‘ldirish kerak:

Tailandga sayohat qilishni rejalashtirayotgan yo‘lovchilarga safar oldidan mamlakatga kirishning amaldagi talablari bilan oldindan tanishib chiqish hamda elektron vizani rasmiylashtirish tavsiya etiladi.

Ro‘yxatdan o‘tkazilgan yukingiz Tailandda tekshirish uchun ochilishi mumkin

Aviatsiya xavfsizligini ta’minlash maqsadida, agar ko‘zdan kechirish jarayonida shubhali buyumlar, taqiqlangan tovarlar yoki potensial xavfli yuklar aniqlansa, ro‘yxatga olingan bagaj aeroportning tegishli vakolatli xizmatlari tomonidan ochilishi va ko‘zdan kechirilishi mumkin.

Bagajni ko‘zdan kechirish yo‘lovchining ishtirokisiz o‘tkazilishi mumkin. Tekshiruv jarayoni videoga yozib olinadi va yo‘lovchiga yuk ochilganligi va tekshirilganligi haqida xabar beruvchi tekshiruv bildirishnomasi bagajga joylashtiriladi.

Kechikishlar va noqulayliklarning oldini olish uchun yo‘lovchilarga quyidagilar tavsiya etiladi:

• Topshirilayotgan yukda taqiqlangan yoki xavfli narsalar yo‘qligiga ishonch hosil qiling.

• Zarur bo‘lsa, xavfsizlik tekshiruvlarini o‘tkazish uchun TSA tomonidan tasdiqlangan qulflardan foydalaning.

• Ro‘yxatdan o‘tkazilgan bagajga qimmatbaho buyumlar, mo‘rt buyumlar, muhim hujjatlar yoki zarur shaxsiy buyumlarni solmaslik kerak.

Yuklarni to‘g‘ri tayyorlash tekshiruv jarayonini optimallashtirishga yordam beradi va barcha uchun xavfsizroq va qulayroq sayohatni ta’minlaydi.

Batafsil: https://www.caat.or.th/en/do-you-know/204155/

Xitoyga kirishni rad etish holatlarining oldini olish uchun quyidagilarga ishonch hosil qiling.

Eslatib o‘tamiz, parvozdan oldin barcha xorijiy fuqarolar uchun majburiy talab bo‘lgan “China Electronic Arrival Card” (elektron kelish kartasi)ni to‘ldirishingiz zarur.

Buni parvozdan 24–72 soat avval https://s.nia.gov.cn/ArrivalCardFillingPhone/ saytida amalga oshirish mumkin. Kartani to‘ldirgach, sizga QR-kod taqdim etiladi. Uni saqlab qo‘ying va XXR aeroportiga yetib borganingizda taqdim eting.

Vyetnamga parvoz qilishni rejalashtirayotgan yo‘lovchilar uchun ma’lumotlar.

2026-yil 18-iyundagi 1165/TB-CR-sonli xabarnomaga muvofiq, 2026-yil 22-iyundan boshlab (HY561/23JUN reysidan e’tiboran) Vyetnam Sotsialistik Respublikasi hududiga kirib kelayotgan barcha yo‘lovchilar chegara nazoratidan o‘tishdan oldin onlayn immigratsiya ro‘yxatdan o‘tish shaklini rasmiylashtirishlari va to‘ldirishlari talab etiladi. Ushbu shaklni Vyetnamning xalqaro aeroportlari orqali davlat chegarasini kesib o‘tishdan kamida 72 soat oldin rasmiylashtirish kerak.

Onlayn platformaga kirish havolasi:

AQSHGA YO‘L OLAYOTGAN YO‘LOVCHILAR UCHUN MUHIM MA’LUMOT

Ebola virusining Amerika Qo‘shma Shtatlari hududiga kirib kelishi xavfini kamaytirish maqsadida AQSh Kasalliklarni nazorat qilish va oldini olish markazlari (CDC) yaqinda Kongo Demokratik Respublikasida (KDR) bo‘lgan sayohatchilarning AQShga kirishini vaqtincha cheklamoqda. Parvoz sanasidan oldingi 21 kun davomida KDRda bo‘lgan sayohatchilar, shu jumladan AQSh fuqarolari, AQShga yo‘l oluvchi tijorat reyslariga chiqishga qo‘yilmaydi.

KDRda bo‘lgan barcha AQSh fuqarolari va AQSh milliy maqomiga ega shaxslar AQShga kirishdan oldin 21 kun davomida KDR hududidan tashqarida bo‘lishni rejalashtirishlari lozim.

Amerika Qo‘shma Shtatlariga yetib kelishdan oldingi 21 kun davomida Uganda yoki Janubiy Sudanda bo‘lgan (ammo KDRda bo‘lmagan) AQSh fuqarolari va AQSh milliy maqomiga ega shaxslar kuchaytirilgan nazoratdan o‘tish uchun AQShga faqat maxsus belgilangan aeroportlar orqali kirishlari kerak. AQSh fuqarosi yoki AQSh milliy maqomiga ega bo‘lmagan shaxslar AQShga kirishdan oldin 21 kun davomida Uganda, Janubiy Sudan va KDR hududlaridan tashqarida bo‘lishlari lozim.

Maxsus belgilangan aeroportlar ro‘yxati, shuningdek, Ebola bilan bog‘liq sog‘liqni saqlash choralari haqida ma’lumot olish uchun KDR, Uganda va Janubiy Sudandan AQShga qaytayotgan sayohatchilar nimalarni bilishlari kerakligi to‘g‘risidagi CDC ma’lumotlari bilan tanishishingizni so‘raymiz.

Konsullik yordamiga muhtoj AQSh fuqarolari Ebola epidemiyasi bilan bog‘liq AQSh fuqarolari uchun qo‘shimcha konsullik ma’lumotlari bilan tanishishlari yoki quyidagi telefon raqamlari orqali AQSh Davlat departamentiga murojaat qilishlari mumkin:

• • +1-202-501-4444 — AQSh hududidan tashqaridan murojaat qilganda;
• • +1-888-407-4747 — AQSh va Kanadadan murojaat qilganda.

Kongo Demokratik Respublikasi (KDR), Uganda yoki Janubiy Sudan hududidan tashqarida 21 kundan ortiq vaqt davomida bo‘lgan hamda jamoat salomatligini muhofaza qilish maqsadida joriy etilgan sayohat cheklovlari bilan bog‘liq yordamga muhtoj sayohatchilar [Ebola-Travel-HELP@hq.dhs.gov](mailto:Ebola-Travel-HELP@hq.dhs.gov) elektron pochta manziliga murojaat qilishlari lozim.

Batafsil ma’lumotlar:

https://www.cdc.gov/ebola/situation-summary/returning-travelers.html

https://travel.state.gov/en/international-travel/travel-advisories/global-events/ebola_additional_information.html

Uzbekistan Airways aviakompaniyasini tanlaganingiz uchun tashakkur.

Gruziyaga kirishni rad etish holatlarining oldini olish uchun quyidagilarga ishonch hosil qiling:

1. Sizda zarur bo‘lgan barcha sayohat hujjatlari mavjudligi.
2. Mamlakatda bo‘lishning butun muddati uchun tibbiy sug‘urta majburiy.
3. Sizda ishlash uchun rasmiy taklifnoma mavjudligi (agar ishlash uchun boradigan bo‘lsangiz).
4. Sizda Gruziya hududidagi mehmonxona uchun bron /yashash manzili mavjudligi.
5. Mamlakatda bo‘lgan vaqtingizda yashash uchun yetarli miqdorda pul mablag‘ingiz mavjudligi.

Malayziyaga parvoz qilishni rejalashtirayotgan yo‘lovchilar uchun ma’lumotlar.

Hurmatli yo‘lovchilar!

2023-yil 1-dekabrdan boshlab Malayziyada barcha chet el fuqarolari uchun MDAC (Raqamli kirish kartasi) tizimi joriy etildi.

MDACni mamlakatga kelishdan kamida 3 kun oldin to‘ldirish kerak.

So‘rovnomani quyidagi sayt orqali to‘ldirish mumkin: https://imigresen-online.imi.gov.my/mdac/main yoki QR-CODE ni skanerlash orqali:

Hindistonga parvoz qilishni rejalashtirayotgan yo‘lovchilar uchun ma’lumotlar.

2025-yil 1-oktyabrdan boshlab Hindistonga tashrif buyuruvchi yo‘lovchilar immigratsiya nazorati peshtaxtalarida ushlanib qolmaslik va immigratsiya jarayonini soddalashtirish uchun Hindistonga kelishdan 72 soat oldin Disembarkation Card kartasini (kelish elektron kartalari) onlayn tarzda to‘ldirishlari kerak.

Hindistonga tashrif buyuruvchi xorijiy fuqarolar Disembarkation Card kartasini BOI sayti (https://boi.gov.in), Hindiston viza xizmati sayti (https://indianvisaonline.gov.in) va “Indian Visa Su-Swagatam” rasmiy mobil ilovasi orqali onlayn to‘ldirishlari mumkin.

Rossiya Federatsiyasi fuqarolarining Latviyaga kirishiga oid o‘zgarishlar

2025-yil 15-iyuldan boshlab Latviyada, Rossiya fuqarolari uchun Latviya Respublikasiga kirishda yagona amaldagi hujjat biometrik ma’lumotlarga ega pasport mavjud bo‘lishi to‘g‘risida qaror kuchga kiradi.

Qarorga muvofiq, amaldagi Shengen qisqa muddatli vizasiga ega bo‘lgan va biometrik ma’lumotlarga ega pasporti bo‘lmagan Rossiya fuqarolari endi Latviya Respublikasiga kira olmaydilar. Biroq, 2025-yil 15-iyulgacha Latviyaga kirganlar Shengen vizasi muddati tugagunga qadar Latviyada qolishlari mumkin.

Ilgari biometrik bo‘lmagan pasportlarga berilgan vizalar - vizada ko‘rsatilgan shartlarga muvofiq amal qiladi. Biroq, chegarani kesib o‘tish uchun viza bilan biometrik bo‘lmagan pasportga qo‘shimcha ravishda amaldagi biometrik pasportni taqdim etish kerak.

Ilgari Latviyaning uzoq muddatli vizalari va/yoki yashash guvohnomasini olgan Rossiya fuqarolari Latviya Respublikasida istiqomat qilishni davom ettirishlari, mamlakatga kirish yoki undan chiqishlari mumkin bo‘ladi, shuningdek, ularga 2026-yil 15-yanvargacha olti oylik vaqtinchalik o‘tish davri beriladi, bu davrda ular biometrik bo‘lmagan hujjatlarini biometrik ma’lumotlarni o‘z ichiga olgan pasportga almashtirishlari mumkin bo‘ladi.

BAAga parvoz qilishni rejalashtirayotgan yo‘lovchilar uchun ma’lumotlar.

Birlashgan Arab Amirliklari hududiga kirishda O‘zbekiston Respublikasi fuqarosi pasportining amal qilish muddatiga qo‘yiladigan talablar.

Birlashgan Arab Amirliklariga kirish uchun immigratsiya talablariga muvofiq, O‘zbekiston Respublikasi fuqarolari Birlashgan Arab Amirliklariga kirgan kundan boshlab kamida 6 oy davomida amal qilishi kerak bo‘lgan xorijiy pasportga ega bo‘lishlari kerak. O‘zbekiston Respublikasi fuqarolari uchun Birlashgan Arab Amirliklari hududida 30 kundan oshmagan muddat uchun viza talab etilmaydi.

Batafsil ma’lumotlar Birlashgan Arab Amirliklari Tashqi ishlar vazirligining rasmiy portalida - https://www.mofa.gov.ae/en/travel-update

Belarusga parvoz qilishni rejalashtirayotgan yo‘lovchilar uchun ma’lumotlar.

«Uzbekistan airways» AJ yo`llovchilarining Belarus Respublikasiga kirishi rad etilishining oldini olish uchun, quyidagilarga ishonch qilish lozim:

1. Ilgari Belarus va Rossiya Federatsiyasi hududida mamlakat qonunlari va vaqtincha turish muddati buzilmaganligi
2. Barcha kerakli sayohat hujjatlari mavjudligi
3. Ishlash uchun rasmiy taklifnoma (ishlashga ketayotganlarga)
4. Belarus Respublikasi hududida haqiqiy mehmonxona broni/yashash manzili mavjudligi
5. Mamlakatda vaqtincha bo`lib turgan vaqtga yashash uchun yetarli pul miqdori (1 kun*25 AQSh dollari)
6. Qaytish chiptasi

Belarus Respublikasi chegara xodimlari bilan suhbatda savollarga aniq va ishonch bilan javob berish kerak. Mamalakatga kelish sababini aniq ko`rsatish kerak.

Gruziyaga parvoz qilishni rejalashtirayotgan yo‘lovchilar uchun ma’lumotlar.

Chegarachilar bilan suhbatda Siz mamlakatga kelish sababini aniq ko‘rsatishingiz kerak, buning uchun qaytish chiptasi bo‘lishi tavsiya etiladi.

Turkiyaga kirishda pasportning amal qilish muddatiga qo‘yiladigan talablar.

2015-yil 1-yanvardan boshlab, “Chet elliklar va xalqaro himoya to‘g‘risida”gi 6458-sonli Qonunning 7.1 b-moddasiga binoan, Turkiyaga kirishni istagan chet elliklar o‘zlarining vizalari, elektron vizalari, vizasiz rejimi yoki yashash uchun ruxsatnomasidan keyin kamida 60 kun amal qiladigan sayohat hujjatini (pasportini) olib yurishlari kerak.  

90 kunlik “qolish muddati” bilan Turkiyaga viza bilan kirish uchun chet elliklar kamida 60 kun davomida amal qiladigan pasport/sayohat hujjatiga ega bo'lishlari kerak, bunda mamlakatga kirish vaqtida amal qilish muddati 150 kun (90 kun + 60 kun/5 oy) ni tashkil qiladi

Yuqoridagilarni inobatga olgan holda, Turkiya Respublikasiga vizasiz kirish uchun O‘zbekiston Respublikasi fuqarolari chet el pasportiga ega bo‘lishlari kerakligini eslatib o‘tamiz, uning amal qilish muddati Turkiya Respublikasiga kirgan kundan boshlab kamida 150 kunni tashkil etadi.

Batafsil ma’lumotlarni quyidagi saytdan olishingiz mumkin: https://www.mfa.gov.tr/passport-validity-requirements-while-entering-turkey-in-accordance-with-law-on-foreigners-and-international-protection.en.mfa

Batafsil ma’lumot: https://www.iatatravelcentre.com/passport-visa-health-travel-document-requirements.htm