Muhim ma'lumot
Jonivorlar va qushlar uchib ketilayotgan, tranzit, manzil davlatlari veterinar nazorati qonunlariga rioya qilgan holda hamda veterinar sertifikati bo‘lsa tashuvga qabul qilinadi. Jonivor va qushlar tashilayotganda ular o‘rnatilgan yuk og‘irligi me’yoriga kiritilmaydi va me’yordan ortiq yuk tarifi bo‘yicha pul to‘lanadi.
Havo kemasi yo‘lovchi salonida olib ketishga ruxsat beriladi:
- it, mushuk, maymun, qush va boshqa jonivorlar, ularning konteyner (qafas) bilan birga og‘irligi 8 kg dan oshmasligi lozim. Agar ularning og‘irligi bundan ortiq bo‘lsa havo kemasi yuk qismida olib ketiladi.
- ko‘zi ojiz va kar yo‘lovchilarning yo‘l boshlovchi itlari, og‘irligidan qat’i nazar, maxsus yoki ortiqcha bagaj uchun hech qanday yig‘im puli to‘lamay, bo‘yinbog‘ va tumshug‘bog‘i bo‘lgan taqdirda va yo‘lovchi sog‘ligi to‘g‘risida ko‘rsatilgan ma’lumotnoma asosida olib ketilishi mumkin.