Yo‘lovchi va kutib oluvchilar diqqatiga

2022-yil 22-dekabr kuni Namangan xalqaro aeroportining o‘zgaruvchan ob-havo sharoiti tufayli (tuman, ko‘rish darajasining yomonligi) Uzbekistan Airways HY-095/HY-096 Toshkent – Namangan – Toshkent qatnovlari kechikib amalga oshirildi.

“Uzbekistan Airways” AJ Axborot xizmati Farg‘ona vodiysida o‘zgaruvchan ob-havo sharoiti Uzbekistan Airways muntazam qatnovlarini kechikib amalga oshirilishiga olib kelishini eslatib o‘tadi. Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz.