Uzbekistan Airways'dan chegirma

Uzbekistan Airways barcha xalqaro yo‘nalishlarda (Rossiya Federatsiyasi shaharlaridan tashqari) ekonom-klass tariflari uchun chegirmalarni quyidagi shartlar asosida taqdim etadi:

1. Sotuv davri – 13.01.2026-yildan 15.03.2026-yilgacha;

2. Parvoz qilish davri – 13.01.2026 dan 28.03.2026 gacha (shu kuni ham);

3. Iqtisodiy klass tariflaridan beriladigan chegirma miqdori:

- kattalar uchun – ekonom-klass tariflarining 15 foizigacha;

- salonda joy egallagan 2 yoshdan 12 yoshgacha bo‘lgan bolalar va 2 yoshgacha bo‘lgan bolalar uchun - bolalar chegirmasini qo‘llagan holda ekonom-klassning e’lon qilingan tarifidan 15%gacha (bunda uni to‘g‘ri hisoblash uchun e’lon qilingan chegirma miqdori ekonom-klassning kattalar tarifidan 36%ni tashkil etadi);

- 2 yoshgacha bo‘lgan va salonda joy egallamaydigan bolalar uchun ushbu chegirma tatbiq etilmaydi; 

4. Qaytarish/qayta bronlash/qayta rasmiylashtirishda tarifga taqdim etilgan chegirma qaytarish/qayta rasmiylashtirish/NO-SHOW uchun undiriladigan yig‘imlarga nisbatan qo‘llanilmaydi, bolalar uchun - belgilangan tartibda (25% chegirma qo‘llanilgan holda) undiriladi. Qisman foydalanilgan aviachiptani qaytarish summasini hisoblash uchun chegirma qo‘llanilmagan holda foydalanilgan aviauchastkadagi tarif chegirib tashlanadi;

5. Chegirma qo‘llanilgan holda to‘liq foydalanilmagan aviachiptalar chegirma amal qilish muddatiga to‘g‘ri kelmaydigan sanalarda qayta rasmiylashtirilgan/qayta bron qilingan taqdirda, chegirmalar qo‘llanilmagan holda tarifning to‘liq darajasigacha qo‘shish zarur;

6. Chegirma qo‘llanilmasdan rasmiylashtirilgan aviachiptalar 13.01.2026-yildan 28.03.2026-yilgacha bo‘lgan davrda qayta rasmiylashtirilgan/qayta bron qilingan taqdirda, tarifga chegirma qo‘llanilmaydi.

7. Chegirma bilan rasmiylashtirilgan qisman foydalanilgan aviachiptalar 29.03.2026-yildan boshlab reyslarga qayta rasmiylashtirilgan/qayta bron qilingan taqdirda, chegirma aksiya davrida tushmagan 2-segmentga, shu jumladan yo‘nalishning teskari qismidagi OPEN DATE segmentiga ham qo‘llanilmaydi.  Agar OPEN segmenti bo‘yicha yangi uchish sanasi aksiya davriga to‘g‘ri kelmasa, chegirma yo‘nalishning ushbu qismiga qo‘llanilmaydi, chipta qayta rasmiylashtirilishi kerak;

8. Ilgari o‘tkazilgan aksiyalar davrida to‘liq foydalanilmagan aviachiptalar ushbu aksiya davridagi qatnovlarga qayta rasmiylashtirilgan taqdirda, chegirma qo‘llanilmaydi (tarif bo‘yicha qo‘shimcha to‘lovni amalga oshirish zarur);

9. Chegirma bilan rasmiylashtirilgan aviachiptalarni qayta rasmiylashtirish/qayta bron qilish va qaytarish qo‘lda amalga oshiriladi;

10. Chegirma faqat aksiya o‘tkaziladigan davrga to‘g‘ri keladigan uchastka uchun qo‘llaniladi. Chegirma guruhli bronlarga va ekonom-klassning barcha sig‘imi o‘rindiqlar bloki sifatida sotilgan reyslarga tatbiq etilmaydi;

11. Chegirma bilan aviakompaniya veb-saytida (UZS/USD/RUB uchun), O‘zbekiston Respublikasi hududida ("Uzbekistan airways sales" filiali va uning agentlari tomonidan), shuningdek, xorijda faqat o‘z reyslarida sotish uchun (25021...) ruxsat etiladi. BSP/ARC/TKP agentlariga tatbiq etilmaydi.

12. Yuqorida ko‘rsatilgan chegirma qo‘llanilgan aviachiptalar bo‘yicha vositachilik haqi belgilangan tartibda nazarda tutilgan;

13. Bolalarnikidan tashqari chegirmalarni birlashtirish taqiqlanadi;

14. Chegirma to‘g‘ridan-to‘g‘ri xalqaro yo‘nalishlarda xizmat ko‘rsatishning iqtisodiy toifasidagi barcha e’lon qilingan individual tariflar (OW/RT) uchun ruxsat etiladi. Ikki tomonlama tashishni sotishda chegirma faqat xalqaro uchastkaga qo‘llaniladi. Chegirma SPA tariflari, shuningdek, to‘g‘ridan-to‘g‘ri tashish tariflari (RBD J, H, E, N, Q, W) uchun amal qilmaydi. Har bir uchastkada bolalar chegirmasini to‘g‘ri qo‘llash uchun yo‘nalishlarni birlashtirishda tashishni turli aviachiptalar bilan rasmiylashtirish kerak.

Eslatma: Chegirma faqat tarifga taalluqli. Soliqlar va yig‘imlar qo‘shimcha ravishda to‘lanadi.