Uzbekistan Airways’da Yoshlar kuni

Yoshlar kuni munosabati bilan Uzbekistan Airways Kasaba uyushmasi qo‘mitasi tomonidan kompaniyaning xodimlari uchun yorqin bayram kechasi tashkil etildi. Tadbir doirasida turli bo‘linmalarning yosh vakillari o‘zlarining kasb mahorati, fidokorona mehnati va aviakompaniya rivojiga qo‘shayotgan hissasi uchun tashakkurnomalar bilan taqdirlandi.

Iliq muhit, samimiy tabriklar va mazmunli dastur bu oqshomni haqiqatan ham unutilmas qildi. Uzbekistan Airways yoshlarning hissasini yuqori qadrlab, ularning kasbiy o‘sishi, o‘zini namoyon etishi va rivojlanishi uchun qulay sharoitlar yaratishni davom ettirmoqda.