Uzbekistan Airways sog‘lom turmush tarzini targ‘ib qilish bo‘yicha tashabbuslarni amalga oshirishni boshladi

2025-yil 1-avgustdan boshlab O‘zbekistonda davlat idoralarida xodimlar o‘rtasida sog‘lom turmush tarzini targ‘ib qilish bo‘yicha tashabbuslarni bosqichma-bosqich joriy etish boshlandi. Bu Prezidentning "Davlat fuqarolik xizmatini yangi yondashuvlar asosida tashkil etish hamda professional va natijadorlikka yo‘naltirilgan davlat xizmatchilari korpusini shakllantirish chora-tadbirlari to‘g‘risida"gi farmonida ko‘zda tutilgan.

Uzbekistan Airways’da xodimlar uchun jismoniy mashqlar bo‘yicha muntazam mashg‘ulotlar o‘tkazilmoqda, sport zonalari jihozlanmoqda va jismoniy tarbiya bilan shug‘ullanish uchun sharoitlar yaratilmoqda. Bu xodimlarning salomatligini mustahkamlash va ish qobiliyatini oshirishga yordam berishi kutilmoqda.