Uzbekistan Airways aviaqatnovlari to‘g‘risida rasmiy xabar

“Uzbekistan Airways” AJ Axborot xizmati quyidagilarni xabar qiladi: 

Bugun, 2022-yil 14-noyabr kuni Farg‘ona xalqaro aeroportida noqulay ob-havo sharoiti tufayli rejalashtirilgan bir qator reyslar majburiy kechiktirildi:

HY081 Toshkent – Farg‘ona qatnovi soat 06:55 o‘rniga soat 09:44 da jo‘nab ketdi.

HY277 Farg‘ona – Istanbul va HY278 Istanbul – Farg‘ona hamda HY082 Farg‘ona – Toshkent qatnovlari ham kechikishini ma’lum qilamiz.

 “Uzbekistan Airways” AJ Axborot xizmati aviakompaniya uchun yo‘lovchilar xavfsizligi yuqori o‘rinda turishini eslatib o‘tadi. Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz.