Havo transporti sohasida innovatsion g‘oyalar tanlovi

"Uzbekistan Airways" AJ konferens zalida “Havo transporti sohasida innovatsion g‘oyalar” mavzusida o‘tkazilgan tanlovning ikkinchi bosqichi bo‘lib o‘tdi.

Tanlovning II bosqich natijalariga ko‘ra, Yerdagi xizmat departamentining DCS guruhi 2-toifali mutaxassisi  A.Zaripov 1-o‘rinni, “O‘MM” MChJ Aviatsiya trenajyorlarini ekspluatatsiya qilish bo‘yicha muhandisi M.Sugurbayev 2-o‘rinni egalladi. “Uzbekistan Airways Technics” MChJ Sifat nazorati xizmatining sharqda ishlab chiqarilgan samolyotlarga texnik xizmat ko'rsatish va ta’mirlash bo‘limi muhandisi I.Xamitov esa 3-o‘ringa munosib deb topildi.

Tanlov g‘oliblariga O‘zbekiston aviaxodimlari kasaba uyushmasi Respublika Kengashining esdalik sovg‘alari topshirildi.

Telegram: t.me/uzbekistanairways