Ko'rsatilayotgan xizmatlarni yaxshilash maqsadida biz saytda cookie-fayllardan foydalanamiz. Saytda qolishingiz, maxfiylik siyosati va shaxsiy ma'lumotlardan foydalanish shartlarini qabul qilganingizni anglatadi.

Shrift o'lchami

Включить озвучивание

“HY maxfiy yo‘lovchisi” dasturi to‘g‘risida nizom

1. Dasturning maqsadlari va vazifalari

Dasturning maqsadi

“HY maxfiy yo‘lovchisi” dasturi (keyingi o‘rinlarda: Dastur) yo‘lovchilarning fikr -mulohazalarini olish va “Uzbekistan Airways” AJ xizmatlari sifatini baholash maqsadida ishlab chiqilgan, yo‘lovchilarimiz kutganidek ularni yanada yaxshilash yo‘nalishlarini belgilaydi.

Dasturning vazifasi

- Xizmat ko‘rsatishning barcha bosqichlarida yo‘lovchilarga xizmat ko‘rsatish haqidagi respondentlarning fikrlarini o‘rganish, mijozlarning qoniqish darajasini aniqlash;

- “Uzbekistan Airways” AJ yo‘lovchilariga xizmat ko‘rsatish sifati tahlilini o‘tkazish;

- alohida e’tibor va takomillashtirishni talab qiladigan yo‘lovchilarga xizmat ko‘rsatish elementlarini aniqlash.

2. Dastur ishtirokchilari

- Uzbekistan Airways mijozlariga xizmat ko‘rsatish sifatini yaxshilashdan manfaatdor bo‘lgan tashabbuskor va / yoki tez -tez uchadigan yo‘lovchilar;

- Ro‘yxatga olingan Dastur ishtirokchilarining ma’lumotlar bazasi qat’iyan maxfiy hisoblanadi.

- “Uzbekistan Airways” AJ xodimlari Dasturda ishtirok etmaydi.

3. Dasturda ishtirok etish shartlari

18 yoshdan kichik bo‘lmagan Uzbekistan Airwaysning har qanday yo‘lovchisi “HY maxfiy yo‘lovchisi” dasturi ishtirokchisi bo‘lishi mumkin. Ishtirokchilar miqdori cheklanmagan. Ishtirok etish uchun arizalar kalendar yili davomida istalgan vaqtda qabul qilinadi.

Yo‘lovchilar - Dastur ishtirokchilari - Daturda ishtirok etishlari rasman tugagunga qadar ishtiroklarini oshkor qilish huquqiga ega emaslar.

Dasturda ro‘yxatga olish uchun quyidagilar zarur:

Ro‘yxatdan o‘tish uchun quyidagilar zarur:

- majburiy ravishda - komandamiz a’zosi –  UzAirPlus dasturi ishtirokchisi bo‘lish. Ro‘yxatga olingan UzAirPlus ishtirokchilari elektron pochta orqali Uzbekistan Airways aviakompaniyasining maxfiy yo‘lovchisi bo‘lishga taklifnoma-xat oladilar. (UzAirPlus Dasturida ro‘yxatdan o‘tish uchun siz https://www.uzairways.com/uz/line-royxatdan-otish havolasida ro‘yxatdan o‘tishingiz kerak);

- “HY maxfiy yo‘lovchisi”dasturi uchun ariza to‘ldirish;

- o‘zingizning elektron pochta manzilingizga Dasturda qatnashganligingiz haqidagi tasdiqnomani olish. Shaxsiy ma’lumotlar qat’iyan maxfiydir;

Parvoz tugaganidan keyin 10 kun davomida chek-varaq to‘ldirish yoki aviachiptani bron qilish va sotib olish, aeroportda ro‘yxatdan o‘tish, samolyot bortida xizmat ko‘rsatish jarayonini tasvirlaydigan ixtiyoriy ravishda hisobot tuzish zarur (agar iloji bo‘lsa, fotosurat, video, audio materiallar dalil sifatida ilova qilinishi kerak). To‘ldirilgan chek-varaq yoki to‘ldirilgan hisobot, ro‘yxatdan o‘tish tasdiqnomasida ko‘rsatilgan manzilga, qo‘nish (posadochniy) taloni elektron nusxasi bilan birga yuborilishi kerak.  

Chek-varaqni to‘ldirishda yo‘lovchilarga xizmat ko‘rsatish sifatiga tegishli qo‘shimcha sharhlar ma’qullanadi.

4. Ishtirokchilar uchun bonuslar

Kalendar yili oxirida eng ko‘p nazorat varaqalarini to‘ldirgan ishtirokchilar, shuningdek, vaziyatni batafsil tasvirlab, video, audio va fotomateriallar taqdim etgan holda eng to‘liq hisobotlarni yuborgan respondentlar aniqlanadi.

“HY maxfiy yo‘lovchisi” dasturining eng faol ishtirokchilari uchun mukofot sifatida UzAirPlus shaxsiy hisobiga sovg‘alar - bonus ballari kiritiladi:

1 – o‘rin – 30 000 ballar

2 – o‘rin – 15 000 ballar

3 -  o‘rin – 10 000 ballar

Rag‘batlantiruvchi sovrinlar –3 000 ballar.

Olingan natijalar yig‘ilganidan keyin 10 kun ichida ballar ishtirokchining loyallik kartasiga o‘tkaziladi. 

Dasturni o‘tkazish davri

Dastur ochiladi 2021-yil “10noyabr

Dastur natijalari 2022-yil “10noyabr yakunlanadi.

“HY maxfiy yo‘lovchisi” dasturi to‘g‘risida nizom