ENG 
РУС
O'Z
Navoiy shahrida “Uzbekistan Airways” AJ milliy aviatashuvchisi rahbariyatining sayyor qabuli bo‘lib o‘tdi. Tadbir aviakompaniyaning jamoatchilik va bozorning professional ishtirokchilari bilan to‘g‘ridan to‘g‘ri muloqoti uchun muhim maydonga aylandi. Uchrashuvda viloyat transport boshqarmasi, viloyat turizm boshqarmasi, sayyohlik kompaniyalari, ommaviy axborot vositalari vakillari hamda Navoiy viloyatining faol yoshlari ishtirok etdi.
Tadbir doirasida o‘z kasbiy kelajagini fuqaro aviatsiyasi bilan bog‘layotgan yosh avlodga alohida e’tibor qaratildi. Uzbekistan Airways rahbariyati batafsil maslahat sessiyasini o‘tkazib, yigit-qizlarning eng dolzarb savollariga javob berdi. Xususan, ishtirokchilar aviakompaniyaning O‘quv-mashg‘ulot markaziga kirish va o‘qish tafsilotlari, uchuvchi va bortkuzatuvchi lavozimlariga nomzodlarga qo‘yiladigan talablar, shuningdek, Uzbekistan Airways bo‘linmalarida ishlab chiqarish amaliyotini o‘tash imkoniyatlari bilan tanishdilar. Yosh iste’dodlarni qo‘llab-quvvatlash va yuqori malakali aviatorlarning yangi avlodini shakllantirish aviakompaniyaning eng muhim ustuvor yo‘nalishlaridan biri bo‘lib qolmoqda.
Sayyor qabulning muhim qismi sayyohlik agentliklari bilan konstruktiv suhbat bo‘ldi. Turizm tashkiloti vakillari o‘zlarini qiziqtirgan savollarni aviakompaniya rahbariyatiga to‘g‘ridan to‘g‘ri berish imkoniyatiga ega bo‘ldilar. Tomonlar o‘zaro hamkorlikning nozik jihatlari, dolzarb tijorat jarayonlari va yo‘lovchilarga xizmat ko‘rsatish sifatini oshirishga qaratilgan qo‘shma ishlar istiqbollarini muhokama qildilar.
O‘zbekiston hududlarida muntazam ravishda sayyor qabullar o‘tkazilishi Uzbekistan Airways’ning shaffoflik va mijozlarga yo‘naltirilganlik tamoyillariga sodiqligini tasdiqlaydi. O‘zaro hamkorlikning bunday formati aviakompaniyaga turizm sohasining talablariga tezkor javob berish, joylarda hamkorlik aloqalarini mustahkamlash va yoshlarni aviatsiya sohasida yangi cho‘qqilarga erishishga ilhomlantirish imkonini beradi.
Download PDF