Tariflarni qoʻllash qoidalari

Yo‘lovchi va aviakompaniya o‘rtasida yo‘lovchi tashish xizmatini ko‘rsatish to‘g‘risidagi shartnoma rasmiylashtirilgan aviachiptada ko‘rsatilgan tashishning to‘liq qiymati to‘langandan keyin tuzilgan hisoblanadi.

Foydalanilgan to‘lov usullaridan biri bilan aviachipta to‘lovi uzil-kesil tasdiqlangunga qadar istalgan vaqtda yo‘lovchi tashish shartnomasini tuzishdan bosh tortishi mumkin, agar bunday shartnomaning biror-bir shartlari u uchun nomaqbul bo‘lsa.

Yo‘lovchi tashish va u bilan bog‘liq xizmatlarni sotishda tariflarni qo‘llash qoidalari aviakompaniya tomonidan oldindan ogohlantirmasdan o‘zgartirilishi mumkin. Agar tashish shartnomasi tuzilgan bo‘lsa, bunday o‘zgartirishlar ushbu tashish shartnomasiga nisbatan qo‘llanilmaydi. Biroq, agar yo‘lovchi allaqachon tuzilgan tashish shartnomasi shartlarini o‘zgartirishga qaror qilsa, uning chiptasi tashish shartnomasi o‘zgartirilgan paytda amalda bo‘lgan tariflarni qo‘llash qoidalari hisobga olingan holda qayta rasmiylashtiriladi.

Tarifda belgilangan bepul bagaj tashish me’yorlari bilan bu yerda tanishish mumkin:

https://www.uzairways.com/uz/bagaj-tashuvlari

Aviachipta jo‘nash punktidan chiptada ko‘rsatilgan tashish yo‘nalishi bo‘yicha qat’iy ketma-ketlikda parvozlar uchun amal qiladi. Aviachipta unda ko‘rsatilgan yo‘nalish, reys, sana va xizmat ko‘rsatish sinfiga parvoz qilish uchun faqat u kimning nomiga rasmiylashtirilgan bo‘lsa, o‘sha shaxsga beriladi.

Agar yo‘lovchi parvozning biror-bir uchastkasida o‘zi uchun bronlashtirilgan joydan foydalanish niyatida bo‘lmasa va bunda unga berilgan bronlashtirishdan bosh tortmagan bo‘lsa, u holda:

xalqaro tashish yo‘nalishi uchun yo‘lovchi qatnovga kelmagan taqdirda aviakompaniya yo‘lovchini xabardor qilmasdan tashish yo‘nalishining barcha keyingi uchastkalarida bronlashni bekor qiladi. Bunday yo‘lovchining chiptasi keyinchalik qayta rasmiylashtirilishi yoki dastlabki chipta haqini to‘lash uchun qo‘llanilgan tarif qoidalarida nazarda tutilgan jarima yig‘imlari qo‘llanilgan holda qaytarilishi mumkin;

1. faqat O‘zbekiston Respublikasining ichki yo‘nalishlarida rasmiylashtirilgan tashish yo‘nalishi uchun yo‘lovchi qatnovning uchishiga kelmagan taqdirda aviakompaniya foydalanilmagan uchastkadan keyingi yo‘nalish uchastkalarida joylarni bronlashni bekor qilmaydi. Yo‘lovchi aviachiptada ko‘rsatilgan tashish yo‘nalishining keyingi uchastkalarida o‘zi uchun bron qilingan joydan foydalanishi mumkin bo‘ladi. Biroq foydalanilmagan uchastka (lar) qiymatini qaytarish uchun murojaat qilinganda faqat yo‘nalishning bunday "o‘tkazib yuborilgan" uchastkalaridagi aeroport yig‘imlari summalari qaytariladi. Respublika ichidagi yo‘nalishlarda tashish uchun rasmiylashtirilgan, yo‘nalishning foydalanilmagan/o‘tkazib yuborilgan uchastkalari mavjud bo‘lgan aviachiptalar ham qayta rasmiylashtirilishi mumkin emas.

Yo‘lovchining iltimosiga ko‘ra rasmiylashtirilgan aviachiptada bandlovni o‘zgartirish, agar yangi bandlov tarifni o‘zgartirishni talab qilmasa, uni qo‘llash shartlarini buzmasa va aviachiptada ko‘rsatilgan aviakompaniyani o‘zgartirishni talab qilmasa, amalga oshiriladi.

Bunday holda, uchib ketish sanasi o‘zgarganda va muqobil reysda dastlabki bronlashdagi kabi bronlash sinfidagi joylar mavjud bo‘lsa, bronlash to‘g‘risidagi yozuvda uchib ketish/reys sanasi o‘zgartiriladi.

Yo‘lovchining iltimosiga ko‘ra rasmiylashtirilgan aviachiptani qayta rasmiylashtirish quyidagi hollarda amalga oshiriladi:

bu tashish haqini to‘lash uchun qo‘llanilgan tarif shartlarida ruxsat etilgan bo‘lsa;

rasmiylashtirilgan aviachiptada bandlovning o‘zgarishi tarif va/yoki yo‘nalishni va/yoki tashuvchini o‘zgartirish zaruriyatiga olib keladi.

"Uzbekistan Airways" aviaqatnovlarida biznes-klass brend tariflarini qo‘llash shartlari

"Uzbekistan Airways" aviaqatnovlarida ekonom-klass tariflarini qo‘llash shartlari

"Uzbekistan Express" reyslarida ekonom-klass tariflarini qo‘llash shartlari

YO‘LOVCHILAR TASHISH SHARTNOMASINI TUZISH VA BAJARISHDA OLINADIGAN YIG‘IMLAR

Yo‘lovchilarni tashish tarifiga qo‘shimcha ravishda quyidagi yig‘imlar, soliqlar va qo‘shimcha to‘lovlar undirilishi mumkin:

- Davlat va aeroport hokimiyatlari foydasiga undiriladigan soliqlar va yig‘imlar - davlat va/yoki munitsipal yig‘imlar, masalan, ekologik, turistik, immigratsiya, bojxona xizmatidan foydalanganlik uchun yig‘im va boshqa yig‘imlar, ular davlat va/yoki munitsipal hokimiyatlari, mamlakatlar idoralari tomonidan hududidan, hududi orqali xalqaro tashishlar amalga oshiriladigan hududdan va boshqalar tomonidan belgilanadi. Ushbu yig‘imlar tashish to‘lovi summasiga kiritiladi va yo‘lovchi tashishdan bosh tortganda, aviachipta uchun to‘lov uchun qo‘llanilgan tarif turidan qat’i nazar, aviachiptada ko‘rsatilgan foydalanilmagan parvoz uchastkalari uchun qaytariladi.

- Aeroportlar foydasiga undiriladigan aeroport yig‘imlari - yo‘lovchilarga xizmat ko‘rsatish, aviatsiya xavfsizligini ta’minlash, aeroport infratuzilmasidan foydalanganlik uchun yig‘imlar va boshqalar. Ushbu yig‘imlar tashish to‘lovi summasiga kiritiladi va yo‘lovchi tashishdan bosh tortganda, aviachipta to‘lovi uchun qo‘llanilgan tarif turidan qat’i nazar, aviachiptada ko‘rsatilgan foydalanilmagan parvoz uchastkalari uchun qaytariladi.

- Ikki alohida toifani o‘z ichiga olgan aviakompaniya yig‘imlari:

1. Tashish shartnomasi umumiy qiymatining ajralmas qismi bo‘lgan yig‘imlar:

- miqdori yo‘lovchilar yo‘nalishining uzunligiga va uchib ketish aeroportlaridagi yoqilg‘i narxiga bog‘liq bo‘lgan yoqilg‘i yig‘imi;

- aviakompaniya xizmatlari amalga oshiriladigan bronlashtirishning avtomatlashtirilgan tizimlaridan foydalanganlik uchun yig‘im.

1. Tashish shartnomasi umumiy qiymatining ajralmas qismi bo‘lmagan va yo‘lovchining so‘roviga ko‘ra aviakompaniya tomonidan ko‘rsatiladigan turli qo‘shimcha xizmatlar uchun undiriladigan yig‘imlar:

- jo‘nab ketish sanasini ixtiyoriy ravishda o‘zgartirganlik, chiptani qayta rasmiylashtirganlik, chiptani qaytarganlik, yo‘lovchining ismi va/yoki familiyasiga o‘zgartirishlar kiritganlik uchun yig‘im (Change name) va chiptaga xizmat ko‘rsatish bilan bog‘liq boshqa yig‘imlar;

Pasportni almashtirish vaqtida pasport ma’lumotlaridagi ism o‘zgarishi munosabati bilan chiptani qayta rasmiylashtirish uchun belgilangan yig‘imlar:

Respublika ichidagi reyslarda tashish uchun rasmiylashtirilgan aviachipta uchun - 5 yevro;

Xalqaro reyslarda tashish uchun rasmiylashtirilgan aviachipta uchun - 10 yevro.

Agar aviachiptada xorijiy kompaniyaning uchastkasi mavjud bo‘lgan holatda, ism yoki familiyani o‘zgartirish taqiqlanadi.

Familiya yoki ismni to‘liq o‘zgartirishga ruxsat berilmaydi. Familiya/ismda 3 tadan ko‘p bo‘lmagan harfni o‘zgartirishga ruxsat beriladi.

- yo‘lovchi tomonidan dastlabki tuzilgan tashish shartnomasi shartlari bajarilmaganda yo‘qotishlar va boy berilgan foydani qisman qoplash uchun undiriladigan jarima yig‘imlari (neustoykalar, penyalar), masalan, yo‘lovchi bron qilingan joyga ega bo‘lgan reysga kelmaganlik uchun yig‘im (No-Show), tashishni rad etganlik uchun yig‘im (Refund).

- aviakompaniya tomonidan asosiy standart xizmat ko‘rsatishga qo‘shimcha ravishda taklif etiladigan turli xil xizmatlar uchun undiriladigan yig‘imlar (tashuvchi tomonidan belgilangan bepul tashish normasidan ortiqcha bagaj tashish uchun yig‘imlar, samolyot bortida joyni oldindan tanlash va bron qilish uchun yig‘imlar, maxsus toifadagi yo‘lovchilarga ko‘rsatiladigan qo‘shimcha xizmatlar uchun yig‘imlar (masalan, aviakompaniya xodimlari kuzatuvi ostida kuzatib borilmaydigan bolani tashish uchun yig‘im), yo‘lovchining tanloviga ko‘ra qo‘shimcha pullik ovqatlantirish va boshqalar)

AVIAKOMPANIYA YIG‘IMLARINI QO‘LLASH QOIDALARI