Uzbekistan Airways Pekin Dasin (PKX) aeroportiga o‘tmoqda

30-martdan, ya’ni bahorgi-yozgi mavsum boshlanishidan e’tiboran, Uzbekistan Airways aviakompaniyasi Pekin-Shoudu xalqaro aeroporti (PEK) o‘rniga Pekin Dasin (PKX) xalqaro aeroportiga parvozlarni amalga oshira boshlaydi.

Yo‘lovchilardan safarni rejalashtirishda ushbu o‘zgarishni inobatga olishlarini hamda uchib ketish va uchib kelish terminali haqidagi ma’lumotlarni oldindan tekshirib ko‘rishlarini so‘raymiz.

Toshkentdan Pekinga parvozlar dushanba va payshanba kunlari amalga oshiriladi, keyinchalik parvozlar soni oshiriladi. Parvozlarning jadvali va chiptalarni  booking.uzairways.com  saytidan hamda mobil ilovadan xarid qilishingiz mumkin.