O'Z 
РУС
ENG
“Uzbekistan Airways” AJga parvoz o‘quv muassasalari bitiruvchilarini ishga qabul qilishini ma’lum qiladi
Nomzodlarga qoʻyiladigan talablar:
– O‘zbekiston Respublikasi fuqaroligi;
– 21 yoshdan 36 yoshgacha.
Eslatma: Hujjatlarni topshirish kunida 20,5 yoshga to‘lmagan yoki 36 yoshga to‘lgan shaxslar tanlov saralashida ishtirok etishlariga yo‘l qo‘yilmaydi;
– Fuqarolik aviatsiyasi uchuvchisi mutaxassisligi bo‘yicha tugallangan aviatsiya ma’lumotiga ega bo‘lishi;
– Hujjat topshirish uchun kamida texnik yo‘nalishdagi o‘rta maxsus professional ma’lumotga ega bo‘lishi;
– Fuqarolik aviatsiyasi uchuvchilik o‘quv muassasasini tamomlagan kundan boshlab hujjat topshirish vaqtigacha 2 (ikki) yildan ortiq vaqt o‘tmagan bo‘lishi;
– O‘zbekiston Respublikasidan tashqarida olingan diplom va ta’lim hujjatlari (shu jumladan, oliy, o‘rta maxsus va texnik ta’lim to‘g‘risidagi hujjatlar) qonunchilikda belgilangan tartibda nostrifikatsiyadan o‘tkazilgan bo‘lishi;
– Fuqarolik aviatsiyasi uchuvchilik o‘quv muassasasida CPL dasturi bo‘yicha havo kemalarida kamida 120 soat parvoz qilgan bo‘lishi;
– MPL dasturi bo‘yicha havo kemalarida kamida 50 soat parvoz qilgan bo‘lishi va CPL guvohnomasiga ega bo‘lishi;
– Asboblar bo‘yicha parvozlarni amalga oshirish huquqiga ega bo‘lishi (Instrument Rating);
– Davlat, rus va ingliz tillarini o‘quv dasturini o‘zlashtirish uchun yetarli darajada bilishi;
– Ingliz tilini ICAO til bilish darajasini baholash shkalasi bo‘yicha kamida 4-darajada bilishi;
– Erkak nomzodlar, O‘zbekiston Respublikasi fuqarolari uchun harbiy xizmatga yaroqlilik belgisi qo‘yilgan O‘zbekiston Respublikasi harbiy guvohnomasi mavjud bo‘lishi.
Nomzodlar elektron shaklda (PDF) quyidagi hujjatlarni taqdim etishlari kerak:
– Ariza (ilova)
– pasport nusxasi
– FA uchuvchisi guvohnomasi
– ta’lim to‘g‘risidagi hujjatlar, parvoz soatlari va h.k.;
– qurilmalar bo‘yicha parvozga ruxsatga berilganligini tasdiqlovchi hujjatini (Instrument Rating);
– ingliz tili darajasi ICAO 4 shkalasi va undan yuqoriligini tasdiqlovchi sertifikat;
– harbiy xizmatga yaroqlilik belgisi bilan O‘zbekiston Respublikasi harbiy guvohnomasining mavjudligi (harbiy xizmatga majburlar uchun);
– Sudlanganlik holati mavjud emasligi toʻgʻrisidagi maʼlumotnoma.
Hujjatlarni qabul qilish 2026-yil 6-dekabrga qadar amalga oshiriladi.
Rejalashtirilgan tanlov sanasi Toshkent shahrida 2026-yilning 14-dekabr kuni boʻlib oʻtadi.
Hujjatlarni quyidagi elektron manziliga PDF-formatida yuborishingizni so‘raymiz: pilot.career@uzairways.com
Eslatma:
O‘zbekiston Respublikasi va boshqa davlat fuqaroligiga ega bo‘lgan nomzodlar buni Arizada ko‘rsatishlari shart. Agar ushbu ma’lumotni yashirish to‘g‘risidagi ma’lumotlar aniqlansa, ushbu nomzodlarni ko‘rib chiqish tanlovning keyingi protseduralarida bekor qilinadi.