Uzbekistan Airways va Asiana Airlines – birgalikda yangi cho‘qqilar sari!

Asiana Airlines aviakompaniyasi bilan kod-shering shartnomasi imzolanganini mamnuniyat bilan ma’lum qilamiz! Endi Toshkent va Seul o‘rtasidagi sayohatlar yanada qulayroq bo‘ladi: ko‘proq aviaqatnovlar, ko‘proq moslashuvchanlik, ko‘proq qulaylik.

Kod-shering kelishuvi nima? 

Bu aviakompaniyalar o‘rtasidagi hamkorlik bo‘lib, uning doirasida bir aviakompaniya tomonidan amalga oshiriladigan parvozlarni boshqa aviakompaniya kodi ostida bron qilish mumkin. Siz uchun bu – ko‘proq uchish variantlari, yagona chipta, marshrutni so‘nggi manziligacha yetkazib boriladigan bagaj va qulay tutashuvlarni anglatadi.

Ushbu hamkorlik yo‘lovchilarimiz uchun yangi imkoniyatlar ochadi va ikkala aviakompaniyaning yo‘nalishlar tarmog‘ini kengaytiradi, bu esa xalqaro parvozlarga o‘sib borayotgan qiziqishga javob beradi. 

Aviachiptalar 2025-yil 20-maydan sotuvga chiqariladi. 

Sizning Janubiy Koreyaga mukammal sayohatingiz - tuyulganidan ham yaqinroq!