Imtiyozlar va chegirmalar

Hozirgi vaqtda "Uzbekistan airways" AJ qatnovlarida  quyidagi chegirmalar va imtiyozlar amal qiladi

O‘quvchilar va O‘zbekistondagi oliy o‘quv yurtlarining kunduzgi bo‘linmalari talabalariga

iqtisodiy klass tariflaridan 50 % chegirma, O‘zbekiston Respublikasi Prezidentining 1992- yil 22- dekabrdagi PF-517–sonli Farmoniga asosan har yili 28 -dekabrdan 10- yanvargacha bo‘lgan davrda beriladi. Ushbu  chegirmafaqatgina iqtisodiy klass normal tarifidan (Y) beriladi.

Bolalar uchun chegirmalar AK barcha qatnovlarida qo‘llaniladi:

•  2 yoshgacha bo‘lgan bolalar uchun - 90 % alohida joy ajratilmagan holda, iqtisodiy va biznes klassning barcha tariflaridan;
• 2 yoshgacha bo‘lgan bolalar uchun alohida joy ajratilgan holda  va  2 yoshdan 11 yoshgacha bo‘lgan kuzatib boriladigan bolalar uchun – qo‘llanilayotgan iqtisodiy klass tarifining  turiga qarab 33% dan 50 % ga qadar.
• 2 yoshgacha bo‘lgan bolalar uchun alohida joy ajratilgan holda  va  2 yoshdan 11 yoshgacha bo‘lgan kuzatib boriladigan bolalar uchun – biznes  klass normal tarifining 50 % miqdorida.
• Toshkentdan Moskvaga, Sharjaga, Dubayga, Kuala-Lumpurga, Singapurga, Bangkokka, Istambulga borish va qaytish yo‘nalishlarida biznes klass tarifida  bolalar uchun chegirmalar - biznes klass normal tarifining 25 % miqdorida, Toshkentdan Rigaga va Nyu-Yorkka esa biznes  klass normal tarifining  5 % ni tashkil etadi.