“Uzbekistan airways” AJ

Ish beruvchining fuqarolik javobgarligini majburiy sug‘urtalash uchun tanlov

15 Oct 2019

«Мaxsus aviatsiya ishlari» aviakompaniyasi davlat unitar korxonasi O‘zbekiston Respublikasining 2009-yil 16.04.dagi 210-sonli «Ish beruvchining fuqarolik javobgarligini majburiy sug‘urtalash haqida» qonuniga amal qilgan holda va O‘zR VM 2009-yil 24.06.dagi 177-sonli qarori, 2019-2020-yillarga sug‘urta polisini olish maqsadida ish beruvchining fuqarolik javobgarligini majburiy sug‘urtalash bo‘yicha xizmat uchun sug‘urta kompaniyalari o‘rtasida tanlov e’lon qiladi.

To‘lov shartlari:

Sug‘urta mukofoti ish beruvchi tomonidan sug‘urtachining hisob raqamiga 100% oldindan to‘lov bilan shartnoma imzolangan paytdan boshlab 5 (besh) ish kuni davomida bir marta to‘lanadi.

To‘lov valyutasi: milliy valyuta – so‘m.

Majburiy shartlar:

Sug‘urtachining majburiyatlari sug‘urta mukofoti sug‘urtachining hisob raqamiga kelib tushgandan so‘ng kuchga kiradi va majburiy sug‘urtalashning sug‘urta polisida ko‘rsatilgan sug‘urtalash davrining oxirgi sanasida tugaydi.

Sug‘urta kompaniyasining faoliyati litsenziyalangan bo‘lishi lozim. Milliy shkala bo‘yicha moliyaviy ishonchlilik reytingi berilganligi haqida guvohnoma bo‘lishi shart.

Тomonlarning javobgarligi O‘zbekiston Respublikasining 1998-yil 29.08.dagi 670-I-sonli «Xo‘jalik yurituvchi subyektlar faoliyatining huquqiy-shartnomaviy bazasi haqida» qonuniga muvofiq amalga oshiriladi.

Тijorat taklifiga sug‘urta kompaniyasining faoliyatini tasdiqlovchi hujjatlar (lisenziya, guvohnoma) ilova qilinishi zarur.

Тanlovda faoliyatning ushbu turini amalga oshirish huquqiga ega bo‘lgan kompaniyalar ishtirok etish huquqiga egadir.

Tijorat takliflari quyidagi manzilda qabul qilinadi: Тoshkent, 100028, «Тoshkent» aeroporti «MAI» АK DUK uchun

Тelefon: 71-2155689ф, 71-2155664, 97-7601825

Е-mail: aksar@uzairways.com

Тanlovda ishtirok etish uchun tijorat takliflari 2019-yil 10-oktabr 17.00.gacha qabul qilinadi.