“Uzbekistan airways” AJ

Kompaniya yangiliklari

15 Apr 2019

"O‘zbekiston havo yo‘llari" Milliy aviakompaniyasi "Tashkent Travel Mart 2019" ishtirokchisi

15-aprel kuni poytaxtimizdagi "Hyatt Regency Tashkent" mehmonxonasida turli mamlakatlarning sayyohlik tashkilotlari o‘rtasida yangi aloqalar o‘rnatish va biznes shartnomalarini imzolash imkonini yaratuvchi, B2B formatidagi zamonaviy platforma - "Tashkent Travel Mart 2019" sayyohlik ko‘rgazmasining tantanali ochilish marosimi bo‘lib o‘tdi. Ko‘rgazmaning hamkor va ishtirokchilaridan biri bo‘lgan, dunyoning 40 dan ortiq shaharlariga parvoz qiluvchi O‘zbekiston milliy aviakompaniyasi mazkur tadbirda Markaziy Osiyo mintaqasining jadal rivojlanib borayotgan aviakorxonasi sifatida o‘z xizmatlarini taqdim etdi. Ushbu tadbir doirasida "O‘zbekiston havo yo‘llari" Milliy aviakompaniyasi Toshkent-Tbilisi-Toshkent yo‘nalishi bo‘yicha ikkita bepul aviabilet o‘yinini tashkil etdi. Bu o‘z navbatida nafaqat O‘zbekiston, balki xorijiy sayyohlik kompaniyalari vakillari o‘rtasida ushbu yo‘nalishda to‘g‘ridan-to‘g‘ri qatnovlar  ochilishidan oldingi o‘ziga xos reklama aksiyasi bo‘ldi. Tadbir birinchi marotaba o‘tkazilayotganiga qaramasdan, turizm sohasida faoliyat yuritayotgan 100 ga yaqin tashkilot vakillari orasida katta qiziqish uyg‘otdi.  Ko‘rgazmada Ozarbayjon, Gretsiya, Gruziya, Shveytsariya, Ispaniya, Italiya, Rossiya, Birlashgan Arab Amirliklari (BAA), Janubiy Koreya va boshqa mamlakatlarning sayyohlik tashkilotlari faol ishtirok etmoqda. B2B formatidagi ko‘rgazma mahalliy va xorijiy sayyohlik tashkilotlari, moliyaviy institutlar, onlayn xizmatlar, aviakompaniyalar va turoperatorlar uchun o‘z xizmatlarini namoyish etish, yangi sheriklarni topish va ular bilan o‘zaro manfaatli hamkorlikni yo‘lga qo‘yish uchun ajoyib imkoniyat yaratadi.
14 Apr 2019

“O‘zbekiston havo yo‘llari” navbatdagi Boeing 787-8 Dreamliner yo‘lovchi avialaynerini qabul qildi

2019-yil 13-aprel kuni O‘zbekiston Milliy aviakompaniya floti to‘rtinchi Boeing 787-8 Dreamliner samolyoti bilan to‘ldirildi. Avialayner raqobatbardoshlik va parvozlar xavfsizligini ta’minlash maqsadida MAK aviaparkini zamonaviy aviatsiya texnikalari bilan yangilash va kengaytirish maqsadidagi investitsion loiha doirasida sotib olingan. Yangi samolyot avvalgi uchta Boeing 787-8 Dreamliner kabi ishlab chiqaruvchi zavodidan keltirildi. Shuningdek, unda yonilg‘i sarflash samaradorligini oshirish, shovqin darajasini pasaytirish va atmosferaga CO2 gazining ajrab chiqishini kamaytirish imkonini beruvchi GE Aviation kompaniyasining GEnx-1B dvigatellari o‘rnatilgan. Avialayner biznesda – 24ta, ekonom klassda – 222ta va jami 246ta yo‘lovchini tashishga mo‘ljallangan. Unda yo‘lovchilar uchun maksimal qulayliklar yaratilgan. Shinam samolyot sahni, qulay va keng o‘rindiqlar, yangi pol qoplamlari, yoritish va tovush izolatsiyasi, individual ko‘ngilochar dasturli HD sensor monitorlar “O‘zbekiston havo yo‘llari” yo‘lovchilarida parvoz davomida ajoyib taassurot qoldiradi. Ta‘kidlash joizki, navbatdagi Boeing 787-8 MAK tomonidan ekspluatatsiya qilinayotgan boshqa uchta Dreamlinerlardan Internetga kirish uskunalari mavjudligi bilan farqlanadi. Bu aviakompaniyaning “Bortda Internet” xizmatidan foydalanish mumkin bo‘lgan uchinchi layneridir. Parvozdagi aloqa provayderi MAKning Airbus A320neo samolyotiga ham provayderlik qilgan, (Inflight Entertainment and Connectivity) ko‘ngilochar dasturlar va aloqa tizimini o‘rnatgan Panasonic Avionics Corporation kompaniyasi hisoblanadi. Boeing-787-8 Dreamlinerning Markaziy Osiyodagi birinchi buyurtmachisi bo‘lgan O‘zbekiston milliy aviakompaniyasi ularning tijoriy ekspluatatsiyasini 2016-yilda boshlagan. MAKning 2020-yilga mo‘ljallangan rivojlanish rejalariga muvofiq, aviapark ushbu rusumdagi oltita samolyot bilan to‘ldiriladi va MDHda bunday samolyotlarning yetakchi ekspluatantiga aylanadi. Aviaparkning modernizatsiya qilinishi O‘zbekiston milliy aviakompaniyasiga xalqaro aviatashuvlar bozorida respublikaning manfaatlarini munosib tarzda namoyish etish, mamlakatning iqtisodiy salohiyatini oshirish, xususan, ichki va tashqi turizm sohasini rivojlanishiga imkon yaratadi, va albatta, milliy aviakompaniyaning taraqqiyot yo‘lida yangi bosqichni boshlab beradi.
11 Apr 2019

Aviatsiya dunyosiga sayohat

12 aprel - Butunjahon aviatsiya va kosmonavtika kuni arafasida O‘zbekiston Yoshlar Ittifoqi faollari va Toshkent soliq kollejining talabalari uchun I.Karimov nomidagi “Toshkent” xalqaro aeroportiga ekskursiya tashkil etildi. Yoshlar va ularning ustozlari xalqaro aviaqatnovlar terminali va yangi uchib kelish zaliga tashrif buyurib, yo‘lovchilarning ro‘yxatdan hamda nazoratdan o‘tish, yuklarni topshirish va qabul qilish, "yashil" va "qizil" yo‘laklarlardan o‘tish  jarayonlarini kuzatib borishdi. Shuningdek, ular aviatashuv qoidalari, pasport nazorati, terminalda joylashgan maxsus texnika, aeroportning doimiy ishlashiga imkon beradigan asosiy ishlab chiqarish jarayon va mexanizmlari bilan yaqindan tanishdilar. Aeroportga sayohat davomida mehmonlar zamonaviy Boeing 787-8 Dreamliner samolyotiga tashrif buyurish imkoniga ham ega bo‘ldilar. Aviakompaniya mutaxassislari yoshlarga samolyot tuzilishi, uning texnik xususiyatlari va imkoniyatlari haqida batafsil ma’lumot  berishdi. Yorqin taassurot qoldirgan sayohat yakunida o‘quvchilarda aeroport xodimlariga samimiy qabul uchun minnatdorlik izhor etishdi.
10 Apr 2019

Immigratsiya qoidalari borasida bilimlarni boyitish

“O‘zbekiston havo yo‘llari” MAK Direktsiyasida aviakompaniyaning Tashuvlarni tashkil etish va yer usti xizmati MAKning Parijdagi vakolatxonasi hamda Rossiya Federatsiyasining Frantsiyadagi elchixonasi bilan birgalikda “SCHINGEN vizasi tekshiruvi va Fransiya Respublikasining immigratsiya qonunlari” mavzusida seminar o‘tkazildi. MAK mutaxassislarini Fransiya hamda Shengen kelishuvi davlatlarining viza va immigratsiyon qoidalari sohasidagi bilimini oshirish, shuningdek, hujjatida kamchiligi bor yo‘lovchilarni aniqlash ishlarini takomillashtirish maqsadida tashkil etilgan ushbu seminarda Rossiya Federatsiyasidagi Fransiya elchixonasining ofitseri Frank Petretik aviakompaniya va uning tarkibiy bo‘linmalari xodimlarini Shengen vizasining yangi turlari va uning himoyalanish xususiyatlari bilan tanishtirdi. Seminar ishtirokchilari Yevropa Ittifoqidagi davlatlariga kirish uchun kerakli hujjatlar borasida to‘liq ma‘lumot oldilar. Mazkur tadbir O‘zbekiston milliy aviakompaniyasi va xorijiy davlatlarning diplomatik vakolatxonalari bilan tajriba almashinishdagi hamkorlikning ijobiy namunasi bo‘lib, shubhasiz, kelgusida respublika aeroportlarida yo‘lovchilarga ko‘rsatilayotgan xizmatlar sifatini yanada oshirishga yordam beradi.  
09 Apr 2019

Milliy aviakompaniyaning ikkinchi Airbus A320neo avialayneri O‘zbekistonga yetib keldi

2019-yil 9-aprel kuni I.Karimov nomidagi poytaxt aeroportiga “O‘zbekiston havo yo‘llari” ning navbatdagi, ikkinchi, yangi va iqtisodiy jihatdan samaradorligi yuqori bo‘lgan Airbus A320neo havo layneri qo‘ndi. Mazkur layner birinchi A320neo singari o‘zining yoqilg‘i tejamkorligini ta’minlovchi CFM International kompaniyasining LEAP-1A dvigatellari va aerodinamik xususiyatlarini yanada yaxshilash imkonini beruvchi qanot konstruksiyasidagi zamonaviy ishlanmalari, shu bilan birga simsiz Internet tarmog‘iga ulanish uskunalari bilan jihozlanganligi tufayli avvalgi havo laynerlardan farqlanadi. Shuningdek, u ikki klassli komponovkada ishlangan bo‘lib, 150 yo‘lovchini (biznesda - 12ta, ekonom klassda - 138ta) tashishga mo‘ljallangan. Samolyot salonining zamonaviy dizayni parvoz davomida yo‘lovchilarga maksimal qulaylik yaratadi. Qulay va keng o‘rindiqlar, har bir yo‘lovchi uchun mo‘ljallangan individual ko‘ngilochar dasturli monitorlar, samolyot sahnida havoni sofligini saqlash va to‘g‘ri taqsimlanishini ta’minlovchi mukammallashtirilgan konditsioner tizimi “O‘zbekiston havo yo‘llari” yo‘lovchilariga parvozdan yo‘qimli va o‘zgacha zavq bag‘ishlaydi. Internetga ulanish imkoni yo‘lovchilarga manzilga yetishda vaqt o‘tishini sezmaslikka yordam beradi. Aviakompaniya to‘rta Internet-ulanish paketini taqdim etadi: LITE (20 Mb) - tezkor messendjerrlarni ishlatish uchun, MEDIUM (50 Mb) - ijtimoiy tarmoqlarda muloqot qilish yoki yangiliklar saytlariga kirish uchun, STREAM (120 Mb) - online ish yoki internetga chiqish uchun qulay internet uchun, BUSINESS (220 Mb) - mazkur xizmatning imkoniyatlarini maksimal darajada oshirish uchun. Internet tarif rejasining eng kam narxi - 5.95$, eng yuqori narxi –52,95$. Parvozdagi aloqa provayderi MAKning yangi Airbus A320neo va hozirda foydalanilayotgan Boeing 787-8 Dreamliner samolyotlari bortida Inflight Entertainment and Connectivity (IFEC) ning ko‘ngilochar dasturlari va aloqa tizimini o‘rnatgan Panasonic Avionics Corporation kompaniyasi hisoblanadi. Ushbu tizim yo‘lovchilarga ko‘plab filmlar, musiqa, video o‘yinlar, navigatsiya tizimi va boshqalarni o‘z ichiga olgan indevidual HD sensorli ekranlardan foydalanib, vaqtni maroqli o‘tkazish imkonini beradi. Shuningdek, ularda bir qator telekanallarni jonli efirda tomosha qilish imkoniyati mavjud. Eslatib o‘tamiz, yangi avialaynerlar rivojlanish strategiyasi hamda MAK aviaparkini modernizatsiya qilish va yangilash dasturiga muvofiq harid qilingan. 11-mart kuni qabul qilinga birinchi Airbus A320neo samolyoti aviakompaniyaning xalqaro qatnovlarida samarali foydalanilmoqda. Yaqin kunlarda to‘rtinchi Boeing 787-8 Dreamliner havo kemasini qabul qilish kutilmoqda. U ham Internet tarmog‘iga ulanish uskunalari bilan jihozlangan.
08 Apr 2019

“Termez” xalqaro aeroportining yangi yo‘lovchi terminali

"O‘zbekiston havo yo‘llari" MAKning investitsiya va infratuzilma loyihalarini amalga oshirish ishlari doirasida "Termez" xalqaro aeroportida yangi yo‘lovchi terminali qurilishi yakunlandi. Termizdagi Baxshichilik san‘ati xalqaro festivali ochilish marosimi arafasida yangi yo‘lovchi terminali festival mehmonlari va ishtirokchilarini kutib oldi. Ular aeroportda yo‘lovchilar uchun yaratilgan  qulayliklar hamda xodimlar xizmatlaridan mamnun  bo‘lishdi. Zamonaviy terminal soatiga 400 nafar yo‘lovchiga xizmat ko‘rsatish imkoniyatiga ega. Asosiy e‘tibor  bojxona nazorati, yukni qabul qilish va nazoratdan o‘tish jarayonini  tezlashtirilishiga qaratilgan. Terminalning kutish va CIP zallari, ona va bola xonalari, erkak va ayollar uchun namoz xonalari, tibbiy ko‘rik xonasi va boshqa bo‘limlarida yo‘lovchilar uchun qulay sharoitlar yaratilgan. Shuningdek, Duty Free savdo do‘konlari, bepul Wi-Fi va xorijiy sayyohlar uchun viza berish sektorlari mavjud. Ushbu terminal yangi xalqaro qatnovlar ochilishi va sayyohlar oqimini ko‘paytirishga xizmat qiladi.   Hozirgi vaqtda Termiz shahri aeroportining uchish-qo‘nish yo‘lagi va boshqa aerodrom qoplamalarini rekonstruksiya qilish rejalashtirilgan.
03 Apr 2019

Toshkent-Jidda-Toshkent yo‘nalishidagi muntazam qatnovlar

2019- yil 1-apreldan boshlab "O‘zbekiston havo yo‘llari" Milliy aviakompaniyasi Toshkent-Jidda-Toshkent yo‘nalishi bo‘yicha qatnovlar sonini oshirdi. Toshkentdan Jidda shahriga muntazam yo‘lovchi qatnovlari har kuni quyidagi jadval asosida amalga oshiriladi (MAHALLIY VAQT): HY-335 Toshkent 18:40 – Jidda 21:40 HY-336 Jidda 23:45 – Toshkent 06:15+1 Parvozlar zamonaviy va qulay Boeing-767 havo laynerlarida bajariladi.
02 Apr 2019

Uzbekistan Airways Istanbulning “Otaturk” nomidagi aeroportiga qatnovlarni to‘xtatdi va parvozlarni “Istanbul New Airport” yangi aeroportiga ko‘chiradi

Hurmatli yo‘lovchilar! 2019-yil 7-apreldan boshlab "O‘zbekiston havo yo‘llari" Milliy aviakompaniyasining O‘zbekistondan Istanbulga bajaradigan barcha borish-qaytish qatnovlari “Otaturk” nomidagi xalqaro aeroportidan İstanbulning Yevropa qismi tomonidan 35 kilometr shimolda joylashgan (Istanbul New Airport) yangi xalqaro aeroportiga  ko‘chiriladi. Shu kundan boshlab, “Otaturk” nomidagi aeroport yo‘lovchi qatnovlari uchun yopiladi. Turkiya Aviatsiya hukumatining qaroriga muvofiq 2019-yilning 5-6-aprel kunlari (Istanbul sh.) “Otaturk” nomidagi aeroportiga/dan bajariladigan barcha xalqaro qatnovlar bekor qilindi. Shu munosabat bilan: 2019-yil 5-apreldagi HY271 / 272, HY273 / 274, HY275 / 276 qatnovlari bekor qilindi; 2019-yil 6-apreldagi HY271 / 272, HY273 / 274 qatnovlari bekor qilindi. Belgilangan qatnovdagi aviabiletlarga ega bo‘lgan yo‘lovchilar uchun "Uzbekistan Airways" aviakompaniyasi aviabiletlarni sotib olish joyiga qaytarish yoki aviabiletning amal qilish muddatiga qadar jarima to‘lamasdan vaqtini o‘zgartirish imkoniyatini beradi; Qisman ishlatilgan aviabiletlarni harid qilingan joy, MAKning xorijdagi vakolatxonalari yoki HABA Davlat unitar korxonasida qayta bron qilish mumkin; Qatnovlarga kechikish va ro‘yxatdan o‘z vaqtida o‘tish   hamda barcha uchish oldi rasmiyatchiliklaridan saqlanish maqsadida “Uzbekistan Airways” o‘z yo‘lovchilarini yangi aeroportga belgilangan vaqtdan kamida uch soat oldin kelishini so‘raydi. Shuningdek, aviakompaniya Istanbul shahridagi yangi aeroportda ro‘yxatdan o‘tish parvozdan 1 soat oldin, havo kemasiga chiqish esa, parvoz jadvalidagi vaqtdan 20 daqiqa oldin amalga oshirilishini eslatib o‘tadi. Malumot uchun telefonlar: Toshkent: +998 78 140 02 00 Istanbul: + 90-212-296-46-31 / 32
29 Mar 2019

MAK Nyu-Yorkka qatnovlar sonini oshirmoqda

“O‘zbekiston havo yo‘llari” Milliy aviakompaniyasi 2019-yil 2-apreldan Nyu-York shahriga uchinchi muntazam yo‘lovchi qatnovlarini quyidagi jadval bo‘yicha yo‘lga qo‘ymoqda (MAHALLIY VAQT): Seshanba: HY 101 Тoshkent (07:05) – Nyu-York (10:55) HY 102 Nyu-York (12:55) – Тoshkent  (09:55 Ch.) Aviabiletlarni MAKning rasmiy veb-sayti va  barcha sotuv offislarida bron qilish va sotib olish mumkin.
26 Mar 2019

Тoshkent-Мineralniye Vodi-Тoshkent

Uzoq sovuq oylardan so‘ng o‘zingiz va oila a’zolaringiz uchun dam olish va sog‘lig‘ingizni tiklash vaqti keldi. Bu borada Mineralniye Vodi – ajoyib tanlov. 2019- yil aprelidan Toshkent-Mineralniye Vodi-Toshkent yo‘nalishidagi qatnovlari haftasiga ikki marta - seshanba va yakshanba kunlari amalga oshiriladi. Parvozlar zamonaviy va qulay havo laynerlarida quyidagi jadval bo‘yicha  bajariladi (MAHALLIY VAQT): Toshkent 13:40 – Mineralniye Vodi 15:10 Mineralniye Vodi 17:00 – Toshkent 22:00 Aviabiletlarni O‘zbekiston Respublikasi shaharlarining aviakassalaridan, shuningdek, MAKning www.uzairways.com rasmiy veb-saytidan  sotib olishingiz mumkin.

Pages