“O‘zbekiston havo yo‘llari” Milliy aviakompaniyasi

Kompaniya yangiliklari

09 Nov 2018

Endi aviabiletlarni MasterCard orqali sotib olishingiz mumkin

"O‘zbekiston havo yo‘llari" Milliy aviakompaniyasi qatnovlariga aviabiletlarni rasmiy veb-sayt orqali sotib olishdagi onlayn to‘lov usullariga MasterCard to‘lov tizimi ham qo‘shildi. Oldin mazkur imkoniyat UzCard va VISA to‘lov tizimlari orqali taqdim etilgan. "O‘zbekiston havo yo‘llari" MAK aviabiletlarini www.uzairways.com saytida sotib olishingiz mumkin. Bundan tashqari, saytimizda aviakompaniya samolyotlari sahnidagi ham pullik, ham to‘lovsiz joylarni oldindan tanlash va bronlash imkoniyati ham mavjud.< >

26 Mar 2019

Тoshkent-Мineralniye Vodi-Тoshkent

Uzoq sovuq oylardan so‘ng o‘zingiz va oila a’zolaringiz uchun dam olish va sog‘lig‘ingizni tiklash vaqti keldi. Bu borada Mineralniye Vodi – ajoyib tanlov. 2019- yil aprelidan Toshkent-Mineralniye Vodi-Toshkent yo‘nalishidagi qatnovlari haftasiga ikki marta - seshanba va yakshanba kunlari amalga oshiriladi. Parvozlar zamonaviy va qulay havo laynerlarida quyidagi jadval bo‘yicha  bajariladi (MAHALLIY VAQT): Toshkent 13:40 – Mineralniye Vodi 15:10 Mineralniye Vodi 17:00 – Toshkent 22:00 Aviabiletlarni O‘zbekiston Respublikasi shaharlarining aviakassalaridan, shuningdek, MAKning www.uzairways.com rasmiy veb-saytidan  sotib olishingiz mumkin.
25 Mar 2019

“O‘zbekiston havo yo‘llari” Dushanbega/dan qulay tutashuv qatnovlarini taklif qiladi

2019-yil 1-apreldan boshlab, O‘zbekiston milliy aviakompaniyasi haftaning birinchi kunlarida  Toshkent-Dushanbe-Toshkent yo‘nalishida qulay tutashuv qatnovlarni taqdim etadi. - Rostov-Don, Krasnoyarsk, Novosibirsk, Tyumen, Minsk, Almati, Ostona, Tel-Aviv, Frankfurt, Riga va Istambul shaharlaridan Dushanbega; - Dushanbedan Istambul, Nyu-York, Sochi, Ostona, Almati va Urgench shaharlariga.   Parvozlarni amalga oshirish jadvali (Mahalliy vaqt): HY717 Toshkent (23:00) – Dushanbe (00:05) HY718 Dushanbe (01:30) – Toshkent (02:30) Qatnovlar zamonaviy va qulay Airbus A320 havo laynerlarida amalga oshiriladi. Aviabiletlarni Milliy avialompaniyaning  www.uzairways.com rasmiy veb-saytida yoki “O‘zbekiston havo yo‘llari” MAKning barcha sotuv offislarida bron qilish va sotib olish mumkin.
25 Mar 2019

Qadriyatlar qadrlangan diyor

Turizm industriyasi, xususan ichki turizm yurtimiz iqtisodiyotining muhim tarmogʻi hisoblanadi. Mamlakatimizning har bir hududi oʻziga xos jozibaga ega. Qadim oʻtmishdan soʻzlovchi tarixiy yodgorliklarni koʻrish, boy merosimizni oʻrganish har bir kishida milliy oʻzlikni anglash, anʼana va qadriyatlarga hurmat tuygʻusini shakllantiribgina qolmay, oʻz vatani tarixini bilishga sabab boʻladi. Urf-odatlarimiz, meʼmorchiligimiz moʻjizalari mana necha asrlardirki, barchani lol qoldirib kelmoqda. Navroʻz bayrami munosabati bilan “Oʻzbekiston havo yoʻllari” MAK Direksiyasi Xotin-qizlar qoʻmitasi va kasaba uyushmasi tomonidan “Battuta Travel” koʻmagida aviakompaniya xodimlari uchun qadimiy va navqiron Buxoro shahriga sayohat uyushtirildi. Ikki kunlik sayohat davomida aviaxodimlar dastlab Buxoro shahrida amalga oshirilgan bunyodkorlik ishlari, xiyobonlar, muassasalar va muzeylar bilan tanishdilar. Shahardagi “Minorai Kalon”, “Ismoil Somoniy maqbarasi”, “Ark qalʼasi”, “Poi Kalon meʼmoriy majmui”, “Labi Xovuz”, “Masjidi Kalon”, “Yetti Pir”, “Mir Arab madrasasi”, “Nodir Devonbegi madrasasi”, “Sitorai Moxi xosa saroyi”, “Shayx Bahouddin Naqshband ziyoratgohi” kabi maskanlarni ham ziyorat qilishdi. Shuningdek, xalq ijodiyoti anʼanalarini davom ettirayotgan ustalar qoʻli bilan yaratilgan miniatyura, naqqoshlik, charm va yogʻoch oʻymakorligi hamda zardoʻzlik mahsulotlari namoyish etilgan amaliy sanʼat koʻrgazmasining ham guvohi boʻlishdi.
18 Mar 2019

Maqsad - korruptsiyaning oldini olish

I.Karimov nomidagi “Toshkent” xalqaro aeroportida korruptsiyaga qarshi kurash masalalari bo‘yicha uchrashuv bo‘lib o‘tdi. Unda O‘zbekiston Respublikasi Oliy Majlis Qonunchilik palatasi deputati, O‘zLiDep fraktsiyasi a‘zosi D.Fayziyeva, O‘zR IIB “Toshkent” aeroportida jamoat xavfsizligi ta’minlash bo‘limi xodimi S.Abdushukurov ishtirok etdi. Yig‘ilishda korruptsiyaning jamiyat barqaror rivojlanishiga salbiy ta‘sir ko‘rsatishi haqida so‘z berib, ushbu illatni oldini olish uchun aholining huquqiy madaniyatini oshirish zarurligi aytib o‘tildi. Shuningdek, yosh avlodni antikorruptsion ruhda tarbiyalash, jamoat nazoratini ta‘minlash va ushbu g‘ayriijtimoiy hodisaga qarshi kurashda ommaviy axborot vositalarining o‘rni alohida ta‘kidlandi. Tadbir davomida poytaxt aeroporti xodim va yoshlari korruptsiyaga qarshi kurashga qaratilgan qonun loyihalari bilan tanishtirildi va ularni amalga oshirish chora-tadbirlari to‘g‘risida tushunchalar berildi. Ochiq muloqot tarzida o‘tkazilgan uchrashuvda ishtirokchilar o‘zlarining savollariga to‘liq javob oldilar va bu borada profilaktik ishlarni kuchaytirish bo‘yicha takliflar bildirdilar.
20 Mar 2019

Bahor va yangilanish bayrami

Navrozida mujassam etadi va ajdodlarimizning bebaho merosidir. "O‘zbekiston havo yo‘llari" Milliy aviakompaniyasi xodimlari butun O‘zbekiston xalqi singari, ushbu kunni keng nishonlamoqda. Aviakompaniyaning barcha tarkibiy bo‘limlarida Navro‘zga bag‘ishlangan bayram tadbirlari o‘tkazildi. 20-mart kuni Мilliy aviakompaniya Direktsiyasida MAK rahbariyati yetakchilari, xizmat xodimlari, aviakompaniya bo‘limlari va soha faxriylari ishtirokida tantanali yig‘ilish bo‘lib o‘tdi. An’anaga ko‘ra, MAK yoshlari milliy raqslar, qo‘shiqlar va bahoriy xangomalari bilan kontsert dasturini tayyorladilar. "Uzbekistan Airways Technics" aviakorxonasi, Havo aloqalarini bosh agentligi, Uchuvchilar majmuasi, poytaxt aeroporti iqtidorli xodimlari hamda "Aladdin" va "Serpantinkina" bolalar ansambllarining chiqishlari Navro‘zning haqiqatan ham xalqimiz tomonidan sevib kutib oladigan bayram ekanligini yana bir bor namoyon etdi. Ziyovuddin Ilxomov, I.Karimov nomidagi “Toshkent” xalqaro aeroportining ijtimoiy masalalar boʻyicha yetakchi mutaxassisi: Qadrli aviaxodimlar! Navroʻz - xalqimizning boqiy merosi, urf-odat hamda anʼanalarini aks ettiruvchi eng qadimiy, tom maʼnoda milliy, barchamiz uchun sevimli ayyom. Koʻp asrlik tariximizdan maʼlumki, Navroʻz kunlarida xalqlar, insonlar orasidagi yaxshilik va mehr-muruvvat, saxovat hamda bagʻrikenglik kabi yuksak insoniy fazilatlar yanada mustahkamlanib, yorqinroq namoyon boʻladi. Hurmatli aviaxodimlar! Xonadoningizdan baxt, tinchlik-xotirjamlik, sihat-salomatlik va qut-baraka arimasin! Ilohi har kuning Navroʻz boʻlsin, Hamisha toleing feruz boʻlsin!         Sardor Qosimov, “Oʻzbekiston havo yoʻllari” MAK Yoshlar ittifoqi raisi: Hurmatli kasbdoshlar! Navroʻz shunday qutlugʻ ayyomki, u oʻz shukuhi va nashidasi ila insonlarga, butun borliqqa yangidan kuch-qudrat, hayot baxsh etadi. Barchangizga inson uchun eng aziz boʻlgan sogʻlik, quvonch, bahoriy kayfiyat, yurt tinchligi, el farovonligi yoʻlidagi mehnatlaringizga omadlar tilayman. Tabiatga yangicha hayot baxshida etayotgan bu ulugʻ ayyom yurtimiz va xonadonlarimizga qut-baraka, fayzu taravot olib kirsin. Magʻrur boshimiz uzra turgan nurli osmonimiz musaffo va osoyishta boʻlaversin. Ulugʻ bahoriy bayramingiz qutlugʻ boʻlsin!    
18 Mar 2019

"O‘zbekiston havo yo‘llari" Milliy aviakompaniyasi “Bortda Internet” yangi xizmatini taqdim etmoqda

O‘zbekiston milliy aviakompaniyasi yo‘lovchilarga sevimli ijtimoiy tarmoqlarini tark etmasdan internet orqali  yaqinlari bilan muloqot qilib, so‘nggi yangilik va voqealardan boxabar  bo‘lib parvoz qilish imkoniyatini bermoqda. "Bortda Internet" yangi xizmati Milliy aviakompaniyaning internetga ulangan simsiz Wi-Fi tizimi bilan jihozlangan yangi Airbus A320neo havolaynerida mavjud. Yo‘lovchilarga to‘rt turdagi paketlar taklif etiladi: LITE - tezkor messendjerrlarni ishlatish uchun 20 Mb, MEDIUM - ijtimoiy tarmoqlarda muloqot qilish yoki yangiliklar saytlariga kirish uchun 50 Mb, STREAM - 120 Mb online ish yoki internetga chiqish uchun qulay internet, shuningdek, BUSINESS - 220 Mb mazkur xizmatning imkoniyatlarini maksimal darajada oshirish. Internet tarif rejasining eng kam narxi - $ 5.95. Biznes-klass yo‘lovchilari uchun 50 Mb Internet to‘plami bepul taqdim etiladi. Samolyotda simsiz Internetga kirish uchun xalqaro Visa bank kartalari va Uzcard milliy to‘lov tizimi yordamida to‘lovlarni amalga oshirishingiz mumkin. Bundan tashqari, ushbu xizmatni uchishdan kamida bir sutka oldin aviakompaniyaning rasmiy veb-saytida rasmiylashtirishingiz mumkin. Internet tarmog‘iga ulangan MAK qatnovlari haqidagi ma’lumotlarni aviakompaniyaning rasmiy veb-saytidagi “Bo‘sh o‘rinlar” interfaol xizmatlar bo‘limidan olishingiz mumkin. Parvozdan bir kun oldingi qatnovlarga  oid ma’lumot esa, "Bortda Internet" bo‘limida mavjud.  "Bortdagi Internet" xizmati Wi-Fi belgisi bilan ajratilgan qatnovlarda taqdim etiladi.- 
15 Mar 2019

O‘zbekiston sayyohlik salohiyatining taqdimoti

14-mart kuni O‘zbekiston Respublikasining Rossiya Federatsiyasidagi elchixonasida MITT-2019 xalqaro turistik ko‘rgazmasi doirasida O‘zbekistonning sayyohlik salohiyati hamda “O‘zbekiston havo yo‘llari” Milliy aviakompaniyasining aviatsion imkoniyatlari taqdimoti bo‘lib o‘tdi. Tadbirni Oʻzbekistonning Rossiya Federatsiyasidagi favqulodda va muxtor elchisi  Botir Asadov ochib berdi. Shuningdek, Rossiya turoperatorlar assotsiatsiyasi hamda “O‘zbekiston havo yo‘llari” MAK vakillari  o‘z taqdimotlari  bilan ishtirok etishdi. “O‘zbekiston havo yo‘llari” MAK yo‘nalishlar tarmog‘i, aviapark modernizatsiyasi, yerusti infratuzilmasi va bugungi kunda aviakompaniya yo‘lovchilarga taqdim etayotgan  texnologik yangiliklar borasida to‘liq ma’lumotlarni taqdim etdi. Taqdimot doirasida Rossiya Federatsiyasining xalq artisti Yuriy Stoyanov Oʻzbekistonning Rossiyadagi turizm elchisi etib tayinlandi. Artist bu qadar yuksak ishonch uchun Oʻzbekiston xalqiga chuqur minnatdorchilik bildirgan holda Rossiyada Oʻzbekistonning sayyohlik salohiyatini  har taraflama targ‘ib etishini ta’kidladi. Albatta, ikki mamlakatning turizm sohasidagi hamkorligi Rossiya fuqarolari orasida Oʻzbekiston yo‘nalishini ommalashtirib, yurtimizga sayyohlar oqimini oshirishga imkon yaratadi.
14 Mar 2019

"O‘zbekiston havo yo‘llari" Airbus A320neo avialaynerni ekspluatatsiyasini boshladi

Bugun, 14-mart kuni O‘zbekiston Mlliy aviakompaniyasining yangi Airbus A320neo samolyoti o‘z qatnovlarini boshladi. Toshkent-Baku-Toshkent yo‘nalishidagi birinchi qatnov mahalliy vaqt bilan soat 13:40da poytaxt aeroportidan bajariladi.   Birinchi yo‘lovchilar yangi samolyotning afzalliklari - zamonaviy dizayni, qulay va keng o‘rindiqlar bilan birga individual ko‘ngilochar dasturli monitorlar, aloqa va Wi-Fi tizimlari, manzilga qadar qulay parvozni ta‘minlaydigan yaxshilangan tovush izolatsiyasi va sahnida yaratilgan boshqa qulayliklar bilan tanishishi mumkin.   Eslatib o‘tamiz, joriy yilning 11-mart kuni “O‘zbekiston havo yo‘llari” MAK aviaparki Airbus A320neo samolyoti bilan to‘ldirildi, ikkinchi samolyotning keltirilishi esa, shu yilning  aprel oyida kutilmoqda. "O‘zbekiston havo yo‘llari" Milliy aviakompaniyasining Yangi Airbus A320neo samolyoti ikki klassli komponovkada ishlangan bo‘lib, 150 yo‘lovchini (biznesda - 12ta, ekonom klassda - 138ta) tashishga mo‘ljallangan. Samolyot yoqilg‘i tejamkorligini ta’minlovchi CFM International kompaniyasining LEAP-1A yangi dvigatellari va aerodinamik xususiyatlarini yaxshilovchi fyuzelyaj konstruksiyasidagi zamonaviy ishlanmalar tufayli oldingilariga nisbatan 20 foizga tejamkordir. Iqtisodiy samaradorligi yuqori avialaynerning parvoz masofasi 4,5 mingdan 6 ming kilometrgacha uzaytirilganligi butun Markaziy Yevropa bo‘ylab qatnovlarni amalga oshirish imkonini beradi.
13 Mar 2019

"O‘zbekiston havo yo‘llari" MITT-2019 ishtirokchisi

O‘zbekiston milliy aviakompaniyasi 12-14-mart kunlari Moskvadagi "Expocentre" Markaziy ko‘rgazma majmuasida bo‘lib o‘tadigan yirik xalqaro sayyohlik ko‘rgazmasida ishtirok etmoqda. Ushbu sayyohlik ko‘rgazmasida MAK xizmatlari  mamlakatning yettita turistik tashkiloti bilan birgalikda O‘zbekistonning yagona milliy stendi tarkibida namoyish etilmoqda. Shuningdek, tadbirda O‘zbekiston Respublikasining turizmni rivojlantirish Davlat qo‘mitasi vakillari ishtirok etdi.  MITT-2019 dasturi MITT Digital va Travel Trends konferentsiyalari, Market Shocks muzokaralari, “Turizm-oilaviy biznes” tok-shou va boshqa tadbirlari bilan boyitilgan. Ko‘rgazmaning uch kunlik ishi davomida "O‘zbekiston havo yo‘llari" aviatashuvlar sohasidagi o‘z xizmatlarini taqdim etadi. Shuningdek, O‘zbekiston milliy aviakompaniyasining parvozlari orqali sayyohlik guruhlarini O‘zbekistonga tashish bo‘yicha doimiy hamkorlar bilan B2B formatida uchrashuvlar o‘tkazish rejalashtirilmoqda. MITT - MDH davlatlarida bo‘lgani kabi chet ellarda ham turizm industriyasidagi eng yirik tadbirdir. Bu yilgi ko‘rgazmada 230ta mamlakat vakillari ishtirok etmoqda. "O‘zbekiston havo yo‘llari" Milliy aviakompaniyasining nafaqat MITTda, balki boshqa xalqaro sayyohlik ko‘rgazmalari va yarmarkalaridagi faol ishtiroki, o‘z yo‘lovchilarini yetakchi korporatsiyalar  “Boeing” va “Airbus” avialaynerlarida qulay va xavfsiz parvoz bilan ta‘minlaydigan hamda samolyot bortida va yerda sifatli xizmat ko‘rsatib,  barqaror rivojlanayotgan aviakompaniya sifatidagi nufuzini yanada mustahkamlamoqda.
13 Mar 2019

Toshkent aeroportida sayyohlar uchun birinchi axborot markazi ochildi

12-mart kuni I.Karimov nomidagi  “Toshkent”  xalqaro aeroportining uchib keluvchilar zalida xorijiy sayyohlarga xizmat ko‘rsatish uchun respublikada birinchi Axborot markazining rasmiy ochilishi bo‘lib o‘tdi. Tadbirda Toshkent shahar hokimiyati, "O‘zbekiston havo yo‘llari" MAK, turizmni rivojlantirish davlat qo‘mitasi, poytaxt havo maskani va Ommaviy axborot vositalari vakillari ishtirok etdi. Ushbu markazning vazifasi mamlakatimizga  uchib kelayotgan chet ellik mehmonlarga barcha zarur ma‘lumotlarni taqdim etishdan iborat. Markaz xodimlari aeroport mutaxassislari bilan birgalikda poytaxtga tashrif  buyuradigan mehmonlarga Toshkent va O‘zbekistondagi ekskursiya va sayohat turlari dasturi, sayyohlik yo‘nalishlari xaritasi, respublikamizning sayyohlik salohiyati haqida axborot broshyuralari, shuningdek, uyali aloqaga ulanish bo‘yicha xizmat, transfer xizmati, taksi bron qilish, mehmonxona va tunash uchun boshqa joylarni bron qilish xizmatlarni taklif etishadi. Ta’kidlash joizki, ushbu ob‘ektning ochilishi 2019-2025- yillarda O‘zbekiston Respublikasida turizm sohasini rivojlantirish kontseptsiyasida ko‘zda tutilgan. Mazkur hujjatga muvofiq sayyohlik axborot markazlarini butun mamlakat bo‘ylab o‘rnatish rejalashtirilgan.

Pages