“Uzbekistan airways” AJ

Kompaniya yangiliklari

14 Aug 2019

"O‘zbekiston havo yo‘llari" Milliy aviakompaniyasi Toshkent-Sharja-Toshkent yo‘nalishi bo‘yicha ekonom klassdagi tariflarni pasaytirdi

Toshkent-Sharja yo‘nalishida tariflarning pasaytirilishi 2019-yil 15-avgustdan 30 sentyabrgacha va Sharjadan Toshkentga 2019-yil 15-avgustdan 30-sentyabrgacha va 2019-yil 1-oktyabrdan 26-oktyabrgacha amal qiladi. Hozirda "O‘zbekiston havo yo‘llari" MAK Toshkent-Sharja-Toshkent yo‘nalishida haftada ikki marta - seshanba va shanba kunlari zamonaviy Airbus A320 va Boeing 787 Dreamliner samolyotlarida parvozlarni amalga oshirmoqda. Aviabiletlarni aviakompaniyaning www.uzairways.com rasmiy saytida yoki "O‘zbekiston havo yo‘llari" MAKning barcha savdo ofislarida sotib olishingiz mumkin.
01 Aug 2019

"O‘zbekiston havo yo‘llari"dan Mustaqillik bayramiga chegirmalar

O‘zbekistonning milliy aviakompaniyasi yurtimiz mustaqilligining 28-yilligini nishonlash munosabati bilan joriy yilning 31-avgustidan 3-sentyabriga qadar respublikamiz aholisi va xorijlik sayyohlar uchun  barcha ichki yo‘nalishdagi qatnovlarga 30 foizdan 50 foizgacha bo‘lgan bayram chegirmalarini taqdim etadi. Bayram chegirmalari: - Individual yo‘lovchilar uchun - 30%; - Sayyohlik guruhlari (5 va undan ortiq kishi), litsey va Oliy o‘quv yurtlari, kollejlar talabalari, maktab o‘quvchilari,O‘zR IIV, TV, DXX, DSQ, DBQ tizimlaridagi maxsus ta’lim muassasalari va boshqa idoralarning tinglovchi va o‘quvchilari uchun - 40%; - Oila uchun (2 yoki undan ko‘p odam, shuningdek, er va xotin; er, xotin va ularning 18 yoshgacha bo‘lgan farzandlari; 18 yoshgacha bo‘lgan farzandini kuzatib boradigan ota-onalar) - 50%; - Nafaqaxo‘rlar va nogironlar uchun - 50%; - 1941-1945-yillardagi urush qatnashchilari va ularga tenglashtirilgan, shuningdek, Ikkinchi jahon urushi davridagi fidokorona mehnati va harbiy xizmati uchun orden va medallar bilan taqdirlangan shaxslar uchun - 50%; - Chernobil AES fojiasi oqibatlarini bartaraf etishda ishtirok etgan fuqarolarimiz uchun - 50%; Chegirmali aviabiletlarni “O‘zbekiston havo yo‘llari” Milliy aviakompaniyasining aviabiletlarni sotish markaziy ofisi va O‘zbekiston aeroportlari kassalarida chegirmalarni olish huquqini beruvchi, tegishli hujjatlarni taqdim etgan holda xarid qilish mumkin.
23 Jul 2019

“O‘zbekiston havo yo‘llari” Milliy aviakompaniyasi “Haj-2019” dasturi bo‘yicha parvozlarni boshlaydi

“Katta haj” amallarini bajarish istagini bildirgan O‘zbekistonlik ziyoratchilar 24-iyuldan 3-avgustga qadar Saudiya Arabistonining  Madina shahriga zamonaviy, qulay Boeing-787 havo laynerlarida yetkaziladi. Ziyoratchilarni Jidda shahridan o‘z vatanlariga qaytarish 17-avgustdan 1-sentabrgacha rejalashtirilgan. Ta’kidlash  joizki, respublika aeroportlarida va MAK samolyot sahnlarida yo‘lovchilar uchun barcha qulayliklar yaratilgan. Aerovokzallarda ibodat uchun namoz xonalari mavjud, maxsus ishchi guruhi ziyoratchilarga bojxona rasmiylashtiruvlaridan  hamda qatnovga ro‘yxatdan o‘tishga yordam beradi. Uchib ketish zallarida ularga yengil nonushta beriladi, havo kema sahnida esa, “Ketring” korxonasining maxsus taomnomasi asosida sifatli va mazali taomlar taqdim etiladi.
19 Jul 2019

Axborot xabari

"O‘zbekiston havo yo‘llari" Milliy aviakompaniyasining Toshkent-Tbilisi yo‘nalishidagi HY 745 qatnovi Tbilisi aeroportining uchish-qo‘nish yo‘lagining yopiqligi bois kechiktirildi. Ayni vaqtda kechikish vaqti ikki soatu qirq daqiqani tashkil etadi. MAK samolyoti Islom Karimov nomidagi “Toshkent” xalqaro aeroportidan Tbilisi aeroportining uchish-qo‘nish yo‘lagi ochilgandan so‘ng uchib ketadi.
16 Jul 2019

"O‘zbekiston havo yo‘llari" Tbilisiga muntazam parvozlarni yo‘lga qo‘ydi

Joriy yilning 16-iyulidan "O‘zbekiston havo yo‘llari" Milliy aviakompaniyasi Gruziyaning quyoshli poytaxti Tbilisi shahriga muntazam parvozlarni amalga oshira boshladi. Tbilisining xalqaro aeroportida ilk qatnov yo‘lovchilarini Gruziyaning O‘zbekistondagi elchisi Zurab Abdushelishvili, Gruziya Milliy turizm ma’muriyati rahbari Mariam Kvrivishvili, boshqa vazirlik va idoralar rahbarlari, Milliy aviakompaniyaning Tbilisidagi vakolatxonasi mutaxassislari, aeroport xodimlari, mahalliy ommaviy axborot vositalari va jamoatchilik vakillari tantanali ravishda kutib olishdi. Uchrashuvda ishtirokchilar O‘zbekiston bilan Gruziya o‘rtasidagi muntazam qatnovlar do‘stlik rishtalarini mustahkamlash va ikki davlat hamkorligini, jumladan, sayyohlik sohasida ham, kengaytirishga xizmat qilishini ta‘kidladilar. Ta‘kidlash joizki, I.Karimov nomidagi “Toshkent” xalqaro aeroportidan Gruziya poytaxtiga to‘g‘ridan-to‘g‘ri muntazam qatnovlar haftasiga ikki marta, har seshanba va juma kunlari zamonaviy va qulay Airbus va Boeing avialaynerlarida amalga oshiriladi.
16 Jul 2019

"O‘zbekiston havo yo‘llari" Tbilisiga parvozlarni boshladi

Joriy yilning 16-iyulidan boshlab O‘zbekiston  milliy aviakompaniyasi Toshkent-Tbilisi-Toshkent yo‘nalishi bo‘yicha muntazam qatnovlarni amalga oshirishi boshladi. Mazkur yo‘nalishdagi birinchi parvoz Boeing 757 havo laynerida bajariladi. Eslatib o‘tamiz, Gruziya poytaxtiga qatnovlar haftasiga 2 marta seshanba va juma kunlari amalga oshiriladi (mahalliy vaqt): Seshanba kunlari: HY 745 Toshkent 15:50 - Tbilisi 18:30 HY 746 Tbilisi 19:30 - Toshkent 23:50 Juma kunlari: HY 745 Toshkent 08:00 - Tbilisi 10:40 HY 746 Tbilisi 11:40 - Toshkent 16:00
16 Jul 2019

"O‘zbekiston havo yo‘llari" Janubiy-Sharqiy Osiyoga qatnovlarni avvalgi yo‘nalishlar bo‘yicha amalgaoshirishni boshladi

Pokistonning havo hududi tijoriy tashuvlarni amalga oshirish uchun ochilishi munosabati bilan "O‘zbekiston havo yo‘llari" Milliy aviakompaniyasi Janubiy-Sharqiy Osiyo yo‘nalishlarida uchish vaqtini ikki martaga qisqartirdi. Ta’kidlash joizki, Pokiston havo hududi yopilgandan so‘ng, MAK o‘z parvozlarini ushbu davlat hududini aylanib o‘tgan holda bajarib kelmoqda edi, bu esa parvoz vaqti oshihiga sabab bo‘lgan. Masalan, Toshkent-Dehli - yo‘nalishida parvoz vaqti  04.55 soat, Dehli-Toshkent  05.30 soatni tashkil qilgan bo‘lsa, bugungi kunda ushbu qatnov Toshkentdan  Dehliga kelish 02.50 soatni, Dehli shahri (Indira Gandi nomidagi) xalqaro aeroportidan Toshkent (I.Karimov nomidagi) xalqaro aeroportiga  2.30  tashkil etmoqda. Shuningdek, Toshkent-Bangkok-Toshkent, Toshkent-Amritsar-Toshkent, Toshkent-Kuala-Lumpur-Toshkent, Toshkent-Jakarta-Toshkent va Toshkent-Mumbay-Toshkent yo‘nalishlarida ham parvoz vaqti qisqardi.
10 Jul 2019

“O‘zbekiston havo yo‘llari” Toshkentdan Qarshiga qatnovlarni qayta tiklamoqda

“O‘zbekiston havo yo‘llari” Milliy aviakompaniyasi 2019-yil 24-iyuldan  Toshkent-Qarshi-Toshkent yo‘nalishi bo‘yicha parvozlarni qayta tiklamoqda. Toshkent-Qarshi-Toshkent yo‘nalishdagi muntazam qatnovlar haftasiga ikki marta chorshanba va shanba kunlari MAKning zamonaviy, qulay avialaynerlarida quyidagi jadval bo‘yicha amalga oshiriladi: Shanba kunlari: HY 77 Toshkent 04:10 – Qarshi 05:10 HY 78 Qarshi 03:25 – Toshkent 04:25 Chorshanba kunlari (Navoiy orqali): HY 47 Toshkent 07:10 -  Navoiy 05:10 HY 47 Navoiy 08:40 – Qarshi 09:30 HY 48 Qarshi 10:10 – Toshkent 11:10
09 Jul 2019

“O‘zbekiston havo yo‘llari” Qarshidan Moskvaga qatnovlarni qayta tiklamoqda

O‘zbekiston milliy aviakompaniyasi joriy yilning 26-iyulidan Qarshi -Moskva (Vnukovo) - Qarshi  yo‘nalishi bo‘yicha parvozlarni qayta tiklamoqda. Ushbu yo‘nalishdagi muntazam qatnovlar haftada bir marta juma kunlari (shanbaga o‘tish bilan) A320 havo kemalarida quyidagi jadval bo‘yicha amalga oshiriladi: HY 623 Qarshi 06:10 – Moskva 08:25 HY 624 Moskva 20:25 – Qarshi 02:25 Mahalliy vaqt ko‘rsatilgan.
02 Jul 2019

“O‘zbekiston havo yo‘llari” beshinchi Boeing 787-8 Dreamliner samolyotini qabul qildi

Bugun, 2019-yil 2-iyul kuni soat 18:35da I.Karimov nomidagi “Toshkent” xalqaro aeroportiga O‘zbekiston Milliy aviakompaniyasining beshinchi Boeing 787-8 Dreamlineri qo‘ndi. Poytaxt aeroportida “O‘zbekiston havo yo‘llari” MAK rahbariyati va xodimlari, jamoatchilik hamda ommaviy axborot vositalari vakillari ishtirokida yangi avialaynerni tantanali kutib olish marosimi bo‘lib o‘tdi. Sietldan Toshkentgacha 12 soatga yaqin davom etgan to‘g‘ridan-to‘g‘ri parvoz muvaffaqiyatli bajarildi. Yangi samolyotni Milliy aviakompaniya ekipaji: MAK Uchuvchilar majmuasining uchuvchi-inspektori Iosif Zak va Boeing 787 havo kemasi komandiri Malik Axmedov boshqardi. Toshkentga kelishdan avval samolyot "Boeing" kompaniyasining Everett shahridagi aerodromida parvoz va yer usti sinovlaridan o‘tdi. “O‘zbekiston havo yo‘llari” MAK Bosh direktorining o‘rinbosari Gennadiy Xarlap, «Uzbekistan airways technics» aviakorxonasi direktorining o‘rinbosarlari Andrey Margachyov va Valeriy Kosov MAKning beshinchi Dreamlinerini ishlab chiqaruvchi zavodidan qabul qilib olishdi. Sinov parvozlari davomida avialaynerning barcha mexanizmlari tekshirildi va zaruriy tadbirlar amalga oshirildi. UK-78705 registratsiya raqami berilgan ushbu yangi samolyotda ham yonilg‘i  sarflash samaradorligi oshirilgan va shovqin darajasini pasaytirish va atmosferaga CO2 gazining ajrab chiqishini kamaytirish imkonini beruvchi GE Aviation kompaniyasining GEnx-1B turboparrakli reaktiv dvigatellari o‘rnatilgan. Mazkur yangi layner parvoz paytida keng miqyosda internetga ulanish uchun sun’iy yo‘ldosh stantsiyasiga ega bo‘lgan aviakompaniyaning to'rtinchi samolyotidir. U oldingi to‘rtta avialaynerlar kabi, MAK aviaparkini raqobatbardoshlik va xavfsizlikni ta‘minlash uchun zamonaviy samolyotlar bilan jihozlash va kengaytirish investitsion loyihasi doirasida sotib olingan. Avialayner 246ta (biznesda – 24ta va ekonom klassda – 222ta) yo‘lovchini tashishga mo‘ljallangan. Unda yo‘lovchilar uchun maksimal qulayliklar yaratilgan. Shinam samolyot sahni, qulay va keng o‘rindiqlar, yangi pol qoplamlari, yoritish va tovush izolatsiyasi, individual ko‘ngilochar dasturli HD sensor monitorlar, Internetga ulanish uchun Wi-Fi tarmog‘i  “O‘zbekiston havo yo‘llari” yo‘lovchilariga parvoz davomida maksimal qulaylik va yaxshi kayfiyatni ta’minlaydi. Panasonic Avionics Corporation kompaniyasi  Milliy aviakompaniyaning A320neo va oldingi Boeing 787-8 Dreamliner samolyotlaridagi kabi  bortdagi aloqa provayderi va parvozlar ko‘ngilochar tizimi(Inflight Entertainmentand Connectivity)ning yetkazib beruvchisi hisoblanadi. Mazkur yangi avialaynerda Frankfurt va Pekinga parvozlarni amalga oshirish rejalashtirilmoqda.                 Ta’kidlash joizki, O‘zbekiston Milliy aviakompaniyasi Markaziy Osiyoda Boeing 787-8 Dreamlineriga birinchi bo‘lib buyurtma bergan aviatashuvchidir. MAK Dreamlinerlarning tijoriy ekspluatatsiyasini  2016-yil sentyabrda boshlagan. Bugungi kunda mazkur havo kemalarida Yevropa, Osiyo, Amerika mamlakatlariga hamda Alyaskadan Yangi Zelandiyagacha bo‘lgan masofalarda parvozlar amalga oshirilmoqda. “O‘zbekiston havo yo‘llari” MAKning rivojlanish rejalariga muvofiq, milliy aviatashuvchi 2020-yilda oltita ushbu turdagi samolyotga ega bo‘ladi va MDH mamlakatlarida bunday samolyotlarning yetakchi ekspluatantiga aylanadi.

Pages