Turkiyaning «Chet elliklar va Xalqaro himoya to`g`risidagi» 6458-Qonuniga muvofiq   2014- yilning 11- aprelidan chet el fuqarolarining Turkiyaga kirishi uchun pasportning minimal ruxsat etilgan yaroqlilik muddati  joriy qilingan edi. Ushbu qonun 2015- yilning 1- yanvaridan kuchga kirdi.  Ushbu qonunning 7- moddasiga binoan  pasporti yoki shaxsni tasdiqlovchi  boshqa hujjatining yaroqlilik muddati 60 kundan kam bo‘lgan shaxslarga  Turkiyaga kirishga ruxsat berilmaydi. Turkiya hududida vizasiz 30 kungacha  bo‘lishiga ruxsat etilgan chet davlatlari fuqarolarining pasportlaridagi amal qilish muddati tugashiga 3 oydan kam bo‘lmagan vaqt qolgan bo‘lishi kerak.