“Uzbekistan airways” AJ

Kompaniya yangiliklari

13 Dec 2019

“Uzbekistan Airways” xabar bermoqda

“Namangan” aeroportida yomon ob-havo sharoiti tufayli quyidagi qatnovlarning jo‘nash vaqti o‘zgardi: HY-097 Toshkent - Namangan HY-643 Namangan - Sankt-Peterburg HY-644 Sankt-Peterburg - Namangan HY-098 Namangan - Toshkent Ushbu qatnovlarning aniq jo‘nash vaqti haqidagi ma‘lumot keyinroq e‘lon qilinadi.
12 Dec 2019

Axborot xabari

Farg‘ona va Namangan aeroportlariga qo‘nishga xalaqit bergan yomon ob-havo sharoiti tufayli Boeing 757 HY-628 Moskva (Vnukovo) - Farg'ona reysi bilan “Toshkent” aeroportiga qo‘ndi. HY-628 Moskva (Vnukovo) - Farg'ona va HY-669 Toshkent-Namangan yo‘nalishidagi ikkinchi parvoz 13 dekabr soat 09:00 da rejalashtirilgan. «Uzbekistan Airways» AJ nomidan yomon ob-havo sharoiti bilan bog‘liq noqulayliklar uchun uzr so‘raymiz va tushunishingizga umid qilamiz!
12 Dec 2019

Axborot xabari

Namangan aeroportida yomon ob-havo sharoiti saqlanib qolganligi sababli, HY-669 Toshkent-Namangan qatnovi Farg‘ona aeroportiga parvoz qildi.  Ammo ob-havo sharoitlari keskin ravishda yomonlashgani va aeroportda qo‘nish imkoniyati bo’lmagani sababli, Airbus A320 samolyoti “Toshkent” aeroportiga qaytdi. Toshkent-Namangan yo‘nalishidagi qatnovning parvoz vaqti keyinroq e’lon qilinadi. "Uzbekistan  Airways" AJ nomidan samolyotning “Toshkent” aeroportiga qaytishi bilan bog‘liq noqulayliklar uchun uzr so‘raymiz va tushunishingizga umid qilamiz!
11 Dec 2019

"Uzbekistan Airways"dan o‘quvchi va talabalar uchun yangi yil chegirmalari!

"Uzbekistan Airways" 2019-yilning 20-dekabridan 2020-yilning 6-yanvarigacha, qishki ta’til vaqtiga kollej o‘quvchilari va respublikaning barch oliy o‘quv yurtlari talabalariga mahalliy qatnovlar uchun 50 foizlik chegirmalarni taqdim etadi. Chegirmali aviabiletlarni "Uzbekistan Airways"ning  sotuv ofislarida chegirmalarni olish huquqini beruvchi, tegishli hujjatlarni taqdim etgan holda xarid qilish mumkin.
10 Dec 2019

Toshkent va Samarqanddan Istanbulga/dan reklama guruh tariflari!

"Uzbekistan Airways" aviakompaniyasining 2019-yil 11-dekabridan 2020-yil 31-yanvargacha bo‘lgan davrda amalga oshiriladigan Toshkent - Istanbul - Toshkent va Samarqand - Istanbul - Samarqand yo‘nalishlari uchun  aviachiptalar joriy yilning 11-dekabridan 31-dekabriga qadar  ikki va undan ortiq yo‘lovchilar uchun guruh tariflari bo‘yicha sotiladi. Zaruriy sana uchun aviabiletlar narxini 78-140-02-00 telefon raqamlati orqali aniqlash mumkin.  Aviabiletlarni aviakompaniyaning rasmiy veb-sayti www.uzairways.comda yoki "Uzbekistan Airways"ning barcha sotuv ofislarida xarid qilish mumkin. Eslatib o‘tamiz, "Uzbekistan Airways" Istanbuldan Toshkentga har kuni (kuniga ikki marta) va Samarqanddan haftasiga uch marta dushanba, chorshanba va juma kunlari muntazam qatnovlarni amalga oshiradi.
10 Dec 2019

Buxoro va Farg‘onaga qo‘shimcha qatnovlar

"Uzbekistan Airways" 31-dekabr kuni, Yangi yil arafasida Toshkent-Buxoro-Toshkent va Toshkent-Farg‘ona-Toshkent yo‘nalishlarida qo‘shimcha qatnovlarni amalga oshiradi. Qatnovlar Airbus A320 samolyotlarida quyidagi jadval bo‘yicha bajariladi: HY-023 Toshkent 09:30 - Buxoro 10:40 HY-024 Buxoro 11:20 - Toshkent 13:20 HY-085 Toshkent 09:00 – Farg‘ona 09:50 HY-086 Farg‘ona 10:30 - Toshkent 11:20 Aviabiletlarni aviakompaniyaning rasmiy veb-saytida yoki "Uzbekistan Airways” sotuv ofislarida xarid qilish mumkin.
02 Dec 2019

Yangi yil uchun "Uzbekistan Airways"dan chegirmalar!

2019- yil 31-dekabrdan 2020- yil 2-yanvargacha yangi yilni nishonlash munosabati bilan "Uzbekistan Airways" barcha mahyalliy qatnovlarga chegirmalar joriy etadi. Chegirmalar O‘zbekiston Respublikasi hududida chiptalarni sotib olishda respublikamiz aholisi va xorijlik sayyohlar uchun  taqdim etiladi. Bayram chegirmalari: - individual yo‘lovchilar uchun - 30%; - sayyohlik guruhlari (5 va undan ortiq kishi), litsey va Oliy o‘quv yurtlari, kollejlar talabalari, maktab o‘quvchilari,O‘zR IIV, TV, DXX, DSQ, DBQ tizimlaridagi maxsus ta’lim muassasalari va boshqa idoralarning tinglovchi va o‘quvchilari uchun - 40%; - oila uchun (2 yoki undan ko‘p odam, shuningdek, er va xotin; er, xotin va ularning 18 yoshgacha bo‘lgan farzandlari; 18 yoshgacha bo‘lgan farzandini kuzatib boradigan ota-onalar) - 50%; - nafaqaxo‘rlar va nogironlar uchun - 50%; - 1941-1945-yillardagi urush qatnashchilari va ularga tenglashtirilgan, shuningdek, Ikkinchi jahon urushi davridagi fidokorona mehnati va harbiy xizmati uchun orden va medallar bilan taqdirlangan shaxslar uchun - 50%; - chernobil AES fojiasi oqibatlarini bartaraf etishda ishtirok etgan fuqarolarimiz uchun - 50%; Chegirmalar barcha mahalliy qatnovlarda belgilangan muddat davomida amal qiladi. Chegirmali aviabiletlarni "Uzbekistan Airways"ning aviabiletlar sotuvi ofislarida chegirmalarni olish huquqini beruvchi, tegishli hujjatlarni taqdim etgan holda xarid qilish mumkin.
09 Dec 2019

Axborot xabari

Avval xabar berganimizdek, “Namangan” va “Farg‘ona” xalqaro aeroportlari quyuq tuman tufayli havo kemalarini qabul qilish uchun yopiq edi, shu sababli «Uzbekistan Airways» kompaniyasining HY-620 Moskva-Namangan yo‘nalishi bo‘yicha 8-dekabrda parvoz qilgan Boeing 757 havo kemasi komandiri qarori bilan “Toshkent” aeroportiga soat 17:41 qo‘ndi. “Namangan” aeroportida ob-havo uzoq muddat yaxshilanmaganligi bois, yer usti transporti bilan manzilga yetib olishni istagan yo‘lovchilarga, aviakompaniya qoidalariga muvofiq, Namanganga yetib olish uchun yo‘l xarajatlarini qoplash uchun kompensatsiya to‘lab berildi. Yo‘lovchilarga, jumladan yuki ko‘p bo‘lganlarga, aviakompaniya tomonidan yakuniy manzilga eng yaqin qatnov bilan yetib olish taklifi berildi. 37 nafar yo‘lovchi 9-dekabr kuni soat 08:25dagi HY-095 qatnov bilan Namanganga yetib borishga rozilik bildirdi. “Namangan” aeroportida uzoq vaqt ob-havo o‘zgarmaganligi sababli HY-095 qatnov vaqti soat 10:00ga, so‘ngra 12:00 va 14:00ga ko‘chirildi. Uchishni kutish vaqtida yo‘lovchilar “Toshkent” aeroporti xalqaro yo‘nalishlar terminalining kutish zaliga joylashtirildi, u yerda ularga ikki marta issiq ovqat - kechki ovqat/ertalabki nonushta taqdim etildi. 9-dekabr kuni soat 07:00da yo‘lovchilar Namanganga uchish uchun yer-usti transporti bilan mahalliy aviayo‘nalishlar aerovokzaliga yetkazildi. “Namangan” aeroportida ob-havo yana yomonlashgani yo‘lovchilarning samolyotda uzoq vaqt kutishiga sabab bo‘ldi. Ba’zi agressiv kayfiyatdagi yo‘lovchilar holatni tushunmasdan, ob-havoga qaramasdan, tezroq Namanganga uchishni talab qildilar. “Namangan” aeroporti ochilishi to‘g‘risida ma’lumot olinishi bilan, havo kemasi komandiri uchishga qaror qildi va yo‘lovchilar samolyotga taklif qilindi. O‘sha agressiv kayfiyatdagi yo‘lovchilardan biri samolyot sahniga chiqkach, o‘z e’tirozlari bilan katta bortkuzatuvchiga tashlandilar. 5 nafar yo‘lovchi, shu jumladan katta bortkuzatuvchiga tan jarohati yetkazgan yo‘lovchi ayol aeroport militsiya liniyaviy bo‘limi vakillari tomonidan qatnovdan chetlashtirildi, bu holat ekipaj a’zosini almashtirishni talab etdi. Ta’kidlash joizki, ushbu vaqt davomida “Uzbekistan Airways” rahbariyati va mas’ul xodimlari aeroportda bo‘lib, tushuntirish ishlari olib bordilar va yo‘lovchilar bilan to‘g‘ridan-to‘g‘ri muloqotda bo‘ldilar, yo‘lovchilarga xizmat ko‘rsatish uchun barcha choralarni ko‘rdilar. HY620 Vnukovo – Namangan va HY-095 Tashkent – Namangan qatnovlari xronologiyasi: - HY-620 Vnukovo – Namangan qatnovining “Toshkent” aeroportiga qo‘nishi – 08.12.2019 - 17:41. - HY-095 Toshkent – Namangan qatnovining jadval bo‘yicha uchish vaqti – 09.12.2019 – 08.25 - HY-095 Toshkent – Namangan qatnovining ko‘chirilish vaqti – 09.12.2019 –10:00ga; 12:00ga; 14:00ga. - HY-095 Toshkent – Namangan qatnovi yo‘lovchilarining samolyotga chiqishi boshlangan vaqti - soat 12:15 - HY-095 Toshkent – Namangan qatnovi yo‘lovchilarini samolyotga chiqishi yakunlangan vaqti – soat 13:30 - HY-095 Toshkent – Namangan qatnovining uchgan vaqti– 09.12.2019 – 15.35. - HY-095 Toshkent – Namangan qatnovining “Namangan” aeroportiga qo‘ngan vaqti - 16:03. “Uzbekistan Airways” yo‘lovchilardan uchish va qo‘nish aeroportlarida qishki mavsumdagi yomon ob-havo sharoiti tufayli parvozlar jadvaliga kiritilayotgan o‘zgarishlarga tushungan holda yondoshishni so‘raydi, chunki parvozlar va yo‘lovchilar xavfsizligi bizning eng muhim vazifalarimizdan hisoblanadi.
09 Dec 2019

Axborot xabari

Hurmatli yo‘lovchilar va kutib oluvchilar! Sizga shuni m’lum qilamizki, "Uzbekistan Airways"ning  HY-95 reysi (Toshkent - Namangan) Namangan aeroportida ko‘rish darajasi pastligi sababli soat 12:00 ga qoldirildi. Shu sababli quyidagi parvozlar ham kechroq amalga oshiriladi: HY-619 reysi (Namangan - Moskva) - soat 14: 00da. HY-606 reysi (Moskva - Samarqand) - soat 18: 10da. 9-dekabr kuni bajarilishi kerak bo‘lgan HY-96 reysi (Namangan - Toshkent) BEKOR qilindi.
09 Dec 2019

Qatnov ushlanib qolmoqda

Yo‘lovchi va kutib oluvchilar uchun muhim ma’lumot! Avvalroq xabar qilganimizdek, tuman sababli ikkita aeroportlar havo kemalari qabuli uchun berkitildi va Uzbekistan Airwaysning bir nechta qatnovlari ushlanib qolmoqda. Qo’shimcha qilamizki: Namangan-Moskva yo’nalishi bo’yicha parvoz qiluvchi HY-619 qatnovining uchishi 8-dekabr soat 19:15 dan 9-dekabr kuni soat 12:00 ga ko’chirildi; HY-606 (Moskva- Samarqand) qatnovining uchishi soat 01:25 dan 16:10 ga (9-dekabr) ko’chirildi; HY-42 (Samarqand - Toshkent) qatnovining uchishi soat 06:25 dan 10:00 ga (9-dekabr) ko’chirildi, Toshkentga qo’nish vaqti soat 10:40 da; HY-95 (Toshkent - Namangan) qatnovining uchishi soat 08:35 dan 10:00 ga (9-dekabr) ko’chirildi. Ob-havo sharoitlari sabab yuzaga kelgan noqulaylik uchun uzr so'raymiz va tushunishingizdan umidvormiz.

Pages