Bagaj tashuvlari

Tashuvlar uchun tarifning kamida 50 foizini to‘lagan har bir yo‘lovchiga chiptasiga qarab quyidagi miqdorlarda bagaj olib ketish huquqi beriladi:

  • C klass - 30 kg
  • Y klass - 20 kg

Me’yordan tashqari olib ketiladigan bagaj, shuningdek maxsus kategoriyadagi bagaj (jonivorlar, sport anjomlari, og‘ir va yirik o‘lchamli bagaj) uchun me’yordan ortiq va maxsus bagaj uchun o‘rnatilgan tarif va stavka bo‘yicha pul to‘lanadi.

Qo'l yuki uchun mo'ljallangan, bepul yuk olib o'tish me'yori

Qo‘l yukining maksimal gabarit o‘lchamlari 56 Х 45 Х 25 sm dan oshmasligi kerak. Har bir qo‘l yukining uch o‘lcham summasi bo‘yicha maksimal kattaligi 115 sm dan oshmasligi kerak (g‘ildiraklari, dastasi va yon cho‘ntaklari bilan birga qo‘shib hisoblaganda).

Agar qo‘l yuki 1 tadan ortiq sumkadan (joydan) iborat bo‘lsa, bunday qo‘l yuki tashuvga bitta umumiy joy sifatida qabul qilinishi kerak va bunday joylarning umumiy gabaritlari yig‘indisi uch o‘lcham summasi bo‘yicha 115 sm dan oshmasligi kerak.

Yo`lovchi o`zi bilan havo kemasi sahnida parvoz davomida kerak bo`ladigan quyidagi narsalarini olib ketishi mumkin:

  • ayollar sumkasi, erkaklar portfeli yoki qog‘oz solinadigan papka;
  • fotoapparat, videokamera;
  • parvoz vaqtida o‘qish uchun bosma nashrlar;
  • og‘irligi 2 kg dan oshmaydigan portativ kompyuter;
  • bolalar uchun taom va bolalar yo‘l belanchagi;
  • soyabon yoki hassa;
  • palto, plash yoki boshqa xildagi ustki kiyimlar;
  • qalin jun ro‘mol;
  • qo‘ltiqtayoq (agar ular parvozda yo‘lovchiga kerak bo‘lsa);
  • og‘irligi 5 kg dan va uch o‘lcham summasi bo‘yicha 115 sm dan oshmaydigan Duty free do‘konidan qilingan xaridlar solingan bitta sumka.

Toshkent - Nyu-York - Toshkent yo‘nalishida (istalgan oraliq punktlari bilan birga) xizmat ko‘rsatish klassidan qat’i nazar, tashuvlar uchun tarifning kamida 50 foizini to‘lagan yo‘lovchi bepul ikkita ro‘yxatdan o‘tgan, og‘irligi 23 kg dan,  uch o‘lcham summasi 158 smdan oshmagan yukni olib ketishi mumkin. Tashuvlar uchun tarifning 10 foizi to‘langan ikki yoshgacha bolaga uch o‘lcham summasi 115 sm dan oshmaydigan bitta bagajni va bitta bolalar yig‘iladigan kolyaskasini bepul olib ketishga ruxsat etiladi.

 

2018-yil 21-iyundan boshlab Toshkentdan Nyu-Yorkka borish va qaytish yoʻnalishidagi qatnovlarida quyidagi bepul  bagaj tashuvi me’yorlari kiritiladi:

- Iqtisodiy klass: 2 ta joy* ogʻirligi 23 kg dan oshmasligi kerak.

- Biznes klass: 2 ta joy* ogʻirligi 32 kg dan oshmasligi kerak.

* har bir joyning gabariti uch oʻlcham  (boʻyi, eni, chuqurligi) yigʻindisi boʻyicha 158 sm.dan oshmasligi kerak.

 

“Oʻzbekiston havo yoʻllari” MAK 2018-yilning 1-martidan boshlab Toshkent-Pekin-Toshkent yoʻnalishida bagajni joylar soniga qarab qabul qilishni  (PIECE CONCEPT) boshlaydi

Shu munosabat bilan, me’yordan ortiqcha bagaj va maxsus toifadagi bagaj uchun quyidagi me’yorlar va stavkalar kiritiladi:

  • Biznes klass: 2 ta roʻyxatdan oʻtkaziladigan yuk, har birining tashqi oʻch oʻlcham (boʻyi, eni va chuqurligi) yigʻindisi 158 sm dan, ogʻirligi 32 kg dan oshmasligi kerak.
  • Iqtisodiy klass: 1 ta roʻyxatdan oʻtkaziladigan yuk, har birining tashqi oʻch oʻlcham (boʻyi, eni va chuqurligi) yigʻindisi 158 sm dan, ogʻirligi 32 kg dan oshmasligi kerak.
  • Biznes va iqtisod klassdagi 2 yoshgacha boʻlgan bolalar: 1 ta roʻyxatdan oʻtkaziladigan yuk, har birining tashqi oʻch oʻlcham (boʻyi, eni va chuqurligi) yigʻindisi 115 sm dan, ogʻirligi 10 kg dan oshmasligi kerak.
  • Toshkent-Pekin yo‘nalishida me’yordan ortiqcha bagaj va maxsus toifadagi bagaj uchun haq to‘lash stavkasi - 75 EUR, ikkinchi va undan keyingi me’yordan ortiqcha joylar uchun 2 stavka - 150 EUR haq olinadi.
  • Pekin - Toshkent  yoʻnalishida me’yordan ortiqcha bagaj va maxsus toifadagi bagajga haq toʻlash stavkasi -   950 CNY, ikkinchi va undan keyingi me’yordan ortiqcha joylar uchun 2 stavka - 1900 CNY haq olinadi.