“O‘zbekiston havo yo‘llari” Milliy aviakompaniyasi

Prеss-rеliz

O‘zbekiston fuqaro aviatsiyasi: yangi tarix ko‘zgusida

Chorak asrdan ziyod vaqtmobaynidao‘z faoliyatidagi asosiy mezonlar - xavfsizlik, barqarorlik va qulaylikni ta‘minlashga qaratilgan yo‘lni "O‘zbekiston havo yo‘llari" Milliy aviakompaniyasi munosib bosib o‘tdi va ​​bugungi kunda xalqaro bozorda yetakchilar qatorida o‘z o‘rnini egalladi.

Mustaqillik yillaridamamlakatimiz fuqaro aviatsiyasi sohasida ko‘p o‘zgarishlar yuz berdi. Havo maskanlari sezilarli darajada o‘zgartirilib, ularda yo‘lovchilar va aviatexnikalarga sifatli xizmat ko‘rsatish uchun barcha sharoitlar yaratildi. Milliy aviakompaniya faoliyati davomida parvozlar geografiyasini barcha qit’alar bo‘ylab kengaytirish imkoniga ega bo‘ldi. «Uzbekistan Airways» havo laynerlari Yevropa, Osiyo va Amerikaning 60dan ortiq yo‘nalishlarida parvoz qilib, Alyaskadan tortib, Yangi Zelandiyagacha charter qatnovlarini bajarmoqda.

Mamlakatimiz fuqaro aviatsiyasi faoliyatinitartibga soluvchi, xalqaro standartlarga javob beradigan samarali qonuniy asos yaratildi. O‘zbekiston havo kengligidan foydalanuvchilarning faoliyati va munosabatlarini nazoratga oluvchi Havo kodeksi - aviakompaniya faoliyatidagi asosiy hujjat bo‘ldi. Unda respublika hududida aviatsiya ishlari, xavfsizlikni ta’minlash, mamlakat xalq xo‘jaligi va fuqarolarning ehtiyojlarini qondirish tartibi belgilangan. Unda respublika hududida aviatsiya ishlari, xavfsizlikni ta’minlash, mamlakat xalq xo‘jaligi va fuqarolarning ehtiyojlarini qondirish tartibi belgilangan.

Havodagi harakatini boshqarish tizimi takomillashtirildi va modernizatsiya qilindi. Parvozlarni yanada xavfsizroq qilish, O‘zbekiston havo hududidan foydalanuvchilar sonini ko‘paytirish imkonini beruvchi yangi aeronavigatsiya tizimlari joriy etildi. Bugungi kunda “O‘zaeronavigatsiya” Markazi mutaxassislari havo hududini tasniflash, shu jumladan qo‘shni davlatlar bilan ham, va mintaqaviy navigatsiya yo‘nalishlarini joriy etishlari zarur bo‘ladi. Shuningdek, Havodagi harakatni boshqarish Toshkent avtomatlashtirilgan tizimini modernizatsiya qilish, ovozli xabar almashish va muvofiqlashtirish tizimini joriy etish bo‘yicha ham ishlar rejalashtirilgan. Bundan tashqari, mamlakatimizning xalqaro aeroportlarida parvozlarni ta’minlash uchun radiotexnik qurilmalarni modernizatsiya qilish bo‘yicha bir qator tizimli tadbirlar amalga oshirilishi kutilmoqda.

Aerovokzal majmualari va uchish-qo‘nish yo‘laklarini rekonstruksiya qilinishi hamda yangi terminallar qurilishi bo‘yicha infratuzilma loyihalarining amalga oshirilishi, mamlakatimizdagi barcha aeroportlarni ICAO xalqaro standartlariga muvofiqlashtirish, parvozlar xavfsizligini oshirish va xizmat ko‘rsatish sifatini yaxshilash imkonini berdi. «Toshkent», «Buxoro», «Urganch», «Farg‘ona» va «Navoiy» aeroportlarida yangi terminallar qurildi. Poytaxt aeroportida xalqaro yo‘nalishlar uchun soatiga 1200 nafar yo‘lovchiga xizmat ko‘rsatish imkoniga ega, yangi uchib kelish terminali ishga tushirildi, «Nukus» xalqaro aeroportida soatiga 400 nafar yo‘lovchiga xizmat ko‘rsatish imkonini beruvchi, yangi yo‘lovchi terminali ekspluatatsiyaga topshirildi, «Urganch» aeroportida uchish-qo‘nish yo‘lagi kapital ta’mirdan chiqarildi. "Termiz"xalqaro aeroportida yangi yo'lovchi terminali ishga tushirildi. Yaqin istiqbolda, 2021-yilga qadar, aviakompaniyaning boshqa aeroportlari infratuzilmasini rekonstruktsiya va modernizatsiya qilish bo‘yicha yana qator loyihalarni amalga oshirish rejalashtirilgan.

Yangi yo‘nalishlar o‘zlashtirildi, Mumbay, Vladivostok, Jidda va Jakarta shaharlariga muntazam qatnovlar yo‘lga qo‘yildi, shuningdek, Tbilisi, Myunxen va Karachi yo‘nalishlarida qatnovlar ochilishi masalasi ko‘rib chiqilmoqda. Bugungi kunda "O‘zbekiston havo yo‘llari" Milliy aviakompaniyasi dunyoning 39ta aviakompaniyasi bilan yo‘lovchi tashish bo‘yicha elektron interlayn-kelishuvlarni yo‘lga qo‘ygan. Ular yordamida MAK yo‘nalish tarmog‘i sezilarli darajada kengayib, hamkor aviakompaniyalar qatnovlarini hisobga olgan holda yo‘lovchilarga sayyohat uchun ko‘pgina yo‘nalishlar ro‘yxati taqdim etilmoqda.

Xalqaro qatnovlar muntazamligi sezilarlidarajada oshirildi. Masalan, talabi ko‘p yo‘nalishdagi Toshkent-Moskva qatnovi haftasiga 21 martaga yetkazilib, Rossiya poytaxtiga Samarqand, Buxoro, Urganch, Termiz, Namangan va Farg‘ona shaharlaridan uchilishini hisobga olsak, qatnovlar soni haftasiga 49tani tashkil etadi. Shuningdek, Toshkentdan Seul, Dushanbe, Bishkek, Minsk, Rostov-Don, Ostona va Novosibirskka parvozlar soni ko‘paytirildi. Eng ommabop yo‘nalishlaridan biri - Istanbulga - poytaxtdan haftasiga o‘nta qatnov, Samarqanddan ikkita qatnov amalga oshirilmoqda.

Sohani bundan-da yuqori maqomgako‘tarishni ta’minlovchi loyihalarni amalga oshirish ishlari davom etmoqda. Qabul qilingan Davlat dasturlari, mamlakat Prezidenti va hukumat qarorlari asosida aviakompaniya havo kemalarini sotib olish va aeroportlar infratuzilmasini modernizatsiya qilish uchun bir qator investitsiya va infratuzilma tashabbuslarini amalga oshirdi. 2018-yilning may oyida to‘rtta Boeing -787 Dreamliner samolyotidan biri keltirildi. 2019-yil martida MAK floti aloqa tizimlari va wifi bilan jihozlangan birinchi yuqori iqtisodiy Airbus A320 neo samolyoti bilan to‘ldirildi. 11-aprelda MAK mazkur turdagi ikkinchi avialaynerini qabul qildi. 2019-yilning 13-aprelida esa, Milliy avakompaniya parkiga to‘rtinchi Boeing -787 Dreamliner samolyoti keltirildi. Joriy yilda yana ikkita Dreamlinerlarning yetkazilishi kutilmoqda. Ularning keltirilishi bilan O‘zbekiston aviakompaniyasi MDH davlatlari o‘rtasida bu rusumdagi samolyotlarning yetakchi ekspluatantiga aylanadi. Ushbu avialaynerlarning olinishi bilan MAK "Bortda Internet" yangi ximatini joriy etdi.

Bir qator innovatsion yechimlar joriy etildi. MAK havo kemasida yo‘lovchiga eng qulay joyni oldindan belgilash imkonini beruvchi yangi «joyni tanlash» interfaol xizmati, «Uzbekistan Airways» aviakompaniyasining biletlarni bron qilish va sotib olish imkonini beruvchi rasmiy mobil ilova ishlab chiqildi va tatbiq etildi. Kompaniyaning xizmatlarini onlayn to‘lovini amalga oshirish uchun «Visa» va «UzCard» onlayn-kredit kartalaridan tashqari «MasterCard» kartasi ham kiritildi. Bu savdo tizimini nafaqat O‘zbekiston balki, boshqa mamlakatlar fuqarolari uchun ham yanada qulaylashtirishga imkon yaratdi. Bundan tashqari, 2019-yilning 1-fevralidan to‘lov va xizmatlar uchun kartadan foydalanish hisobiga to‘plangan ballardan foydalanib, Milliy aviakompaniya qatnovlarida bepul uchish imkonini beruvchi “NAK-NBU” yangi kobrend plastik kartochkasi amalga kiritildi.

“O‘zbekiston havo yo‘llari” va Xalqaro havo transporti assotsiatsiyasi (IATA)o‘rtasida 2018-2025-yillarga mo‘ljallangan aviatsiya xizmatlarini yanada rivojlantirish bo‘yicha qo‘shma tadbirlar rejasi imzolandi. Hujjatda xalqaro havo transporti qoidalarini uyg‘unlashtirish bo‘yicha respublikaning Monreal konvensiyasiga qo‘shilish ehtimoli, zaruriyati va oqibatlari bo‘yicha IATAga ko‘rsatmalarni taqdim etish chora-tadbirlari nazarda tutilgan. Shuningdek, mazkur reja IATAning Navoiy habi hizmatlarini xalqaro yuk tashuvlari bozoriga ilgari surish bo‘yicha ko‘rsatmalar berishini, assotsiatsiyaning «Yevroosiyo» Muvofiqlashtiruvchi kengashining ishtirokchisi bo‘lgan «Uzaronavigatsiya» Markazi bilan umumiy masalalar, muntazam tajriba va axborot almashish uchun hamkorlik qilishini, IATA tomonidan xodimlarni – aviakompaniya va aeroportlar mutaxassislari, havodagi harakatni boshqarish (HHB) dispetcherlari va sayyohlik agentliklari ishchilarini o‘qitishning amaliy usullarini taqdim etilishini hamda xizmat ko‘rsatishning zamonaviy standart va texnologiyalarini sinovdan o‘tkazilishini ham o‘z ichiga oladi.

Agar raqamlar borasidato‘xtalsak, MAK 2018-yilda 21 mingdan ortiq qatnovni amalga oshirib, yo‘lovchi tashuvida uch millionlik marrani bosib o‘tdi. Yubiley yo‘lovchisi 17-dekabr kuni ro‘yxatdan o‘tgan. Yil bir qator mukofotlar bilan esda qolarli bo‘ldi. "NETWORK 2018" forumida aviakompaniya aviatashuv marketingi sohasida Evroosiyo mukofotiga sazovor bo‘ldi. MAK bir necha bor “Domodedovo”, “Sochi”, “Krasnodar”, “Qozon” va boshqa xalqaro aeroportlar tomonidan eng punktual aviakompaniya deb e’tirof etildi. "Sky Service" III Xalqaro forumida MAK bortkuzatuvchilari jamoasi «Yil jamoasi» nufuzli professional tanlovining kubogini qo‘lga kiritdi va xodimlardan biri “Yilning eng yaxshi bortkuzatuvchisi” deb topildi.

Milliy aviakompaniyasi 2019-yilda mukofotlari ro‘yxatini kengaytirdi. "O‘zbekiston havo yo‘llari" Yekaterinburg shahriga/dan parvozlarni amalga oshiradigan xalqaro tashuvchilar guruhida "2018-yilda Koltsovo aeroportining eng punktual aviakompaniyalari" reytingida yetakchilik qildi. “Pulkovo” aeroportini boshqaruvсhi "Vozdushniye Vorota Severnoy Stolitsi" kompaniyasi O‘zbekiston milliy aviakompaniyasini MDH davlatlarida eng jadal rivojlanayotgan aviakompaniya deb e’tirof etdi. O‘zbekiston milliy aviakompaniyasining bortkuzatuvchilari jamoasi SKY SERVICE 2019IV Xalqaro forumidagi "Savdo - xizmat ko‘rsatish san‘ati" nominatsiyasida birinchi o‘rinni egallab, g‘olib bo‘ldi. Aviakompaniyaning bortkuzatuvchisi SkyLady 2019 birinchi tanlovida ikkinchi vitse-miss deb e’tirof etildi. Shuningdek, O‘zbekistonning milliy aviakompaniyasi 2018-yilda Krasnoyarsk shahri aeroportining xalqaro yo‘lovchilar tashuvini rivojlantirishga qo‘shgan hissasi uchun “Yemelyanovo aeroporti”ning Faxriy yorlig‘i bilan taqdirlandi. “O‘zbekiston havo yo‘llari” “Vnukovo” aeroporti mukofotining sovrindori bo‘lib, “Eng jadal rivojlanayotgan xorijiy aviatashuvchi” nominatsiyasida g‘olib deb topildi. Fuqaro aviatsiyasi xalqaro “Aeroport” assotsiatsiyasi 2018-yil yakunlari bo‘yicha MDHga a’zo mamlakatlar aeroportlari o‘rtasida eng yaxshi aeroportni aniqlash bo‘yicha tanlov o‘tkazdi. Mazkur tanlovda “Buxoro” xalqaro aeroporti yana bir bor birinchi o‘ringa munosib deb topildi. Assotsiatsiyaning maxsus kubogi va Faxriy yorlig‘I aeroport jamoasining 2018-yildagi faoliyatiga munosib mukofot bo‘ldi. O‘zbekiston milliy aviakompaniyasi “Ketring”i samolyot sahnida taqdim etayotgan o‘zining eng mazali taomlari bilan xorijiy aviakompaniyalarning reytingida birinchi o‘rinni egalladi.

Va, albatta, MAK tarixidaeng asosiy va muhim voqea – O‘zbekiston Respublikasi Prezidentining 2018-yil 27-noyabrdagi "O‘zbekiston Respublikasining fuqaro aviatsiyasini tubdan takomillashtirish chora-tadbirlari to'g'risida"gi Farmoni bo‘ldi. Hujjat sohani tubdan yaxshilashga qaratilgan. Jumladan, «O‘zbekiston havo yo‘llari» Milliy aviakompaniyasi negizida «Uzbekistan Airways» va «Uzbekistan Airports» aksiyadorlik jamiyatlari tashkil etiladi. Kompaniya tarkibiga kiruvchi Davlat unitar korxonalari mas’uliyati cheklangan jamiyatlarga aylantiriladi. Jumladan, “Maxsus aviatsiya ishlari” Davlat unitar korxonasi (DUK) negizida «Uzbekistan Halicopters» MChJ tashkil etiladi. «O‘zaeronavigatsiya» Markazi O‘zbekiston Respublikasi Transport Vazirligi tasarrufiga o‘tkaziladi. Farmonda, shuningdek, bir martalik qatnovlarga va aerodromlar yaqinida ob’ektlar qurilishiga ruxsat berish vakolatini Davavianazorat inspeksiyasi (endilikda O‘zbekiston Respublikasi Tansport Vazirligi qoshidagi Fuqaro aviatsiyasi Agentligi)ga o‘tkazish yo‘li bilan davlat boshqaruvi va raqobat muhitini yanada kuchaytirish nazarda tutilgan.

Xulosa qilib aytganda,O‘zbekiston fuqaro aviatsiyasini rivojlanishning yangi bosqichi kutmoqda. "O‘zbekiston havo yo‘llari" Milliy aviakompaniya jamoasi o‘z faoliyatida aviatashuvchini xalqaro aviatsiya bozorida munosib o‘rin egallashga va O‘zbekiston fuqaro aviatsiyasining tarix zarvaraqlarini yangi yutuqlar bilan bezashga imkon beruvchi ijobiy o‘zgarishlarni kutmoqda. Aviakompaniya mutaxassislarining 27 yillik mashaqqatli mehnati va yuksak mahorati mamlakatimiz fuqaro aviatsiyasini jahon miqyosida yanada yuqori maqomga erishishiga xizmat qiladi.

“O‘zbekiston havo yo‘llari” navbatdagi Boeing 787-8 Dreamliner yo‘lovchi avialaynerini qabul qildi

Milliy aviakompaniyaning ikkinchi Airbus A320neo avialayneri O‘zbekistonga yetib keldi

Milliy aviakompaniyaning Airbus A320neo avialayneri O‘zbekistonga yetib keldi

“Termez” xalqaro aeroportining yangi yo‘lovchi terminali

O‘zbekiston fuqaro aviatsiyasi: yangi tarix ko‘zgusida

O‘zbekiston fuqaro aviatsiyasi: yuksak mavqe va mas’uliyat

Avgust oyining uchinchi yakshanbasi - O‘zbekiston Respublikasi Havo Floti kuni

“O‘zbekiston havo yo‘llari” MAK navbatdagi terminalni ishga tushirdi

Islom Karimov nomidagi “Toshkent” xalqaro aeroportida yangi uchib kelish terminali ishga tushirildi

"O‘zbekiston havo yo‘llari" Milliy aviakompaniyasi yana bitta "Boeing-787 Dreamliner" samolyotini qabul qildi

28-yanvar -“O‘zbekiston havo yo‘llari” Milliy aviakompaniyasi tashkil topgan kun

“O‘zbekiston havo yo‘llari” Milliy aviakompaniyasi: mustaqillik qanotlarida

Avgust oyining uchinchi yakshanbasi - O‘zbekiston Respublikasi Havo Floti kuni

"O‘zbekiston Fuqaro aviatsiyasi: yuksak mavqe va taraqqiyot sari ishonchli qadam

"O‘zbеkiston havo yo‘llari» Milliy aviakompaniyasi - 25 yil:Buyuk tarix va kеlajakka ishonchli nigoh

"O‘zbekiston Drimlaynerlarida - to‘g‘ridan-to‘g‘ri Nyu-Yorkka

«O‘zbеkiston havo yo‘llari» Milliy aviakompaniyasining ikkinchi BOEING 787-8 Dreamliner samolyotini tantanali kutib olish

"Orzu layneri" - O'zbekistonda

«O‘zbekiston havo yo‘llari» Milliy aviakompaniyasi A320 samolyoti trenajori - Full-flight-simulyator ishga tushishi munosabati bilan brifing

O’zbekiston fuqaro aviatsiyasi: yuqori nufuz va taraqqiyotga ishonchli qadam

«O‘zbеkiston havo yo‘llari» Milliy aviakompaniyasi tashkil topganligining 24 yilligi va «Uzbekistan Airways Technics» aviakorxonasida samolyotlarning kompozit matеriallarini ta'mirlash Markazining ochilishiga bag‘ishlangan tadbir